Արցախը Հայաստանի հետ կապող ճանապարհն արդեն 18-րդ օրն է, ինչ Ադրբեջանը շրջափակված է պահում: Հայկական երկրորդ հանրապետությունը կանգնել է մարդասիրական աղետի առջեւ, սակայն արցախցի մեր հայրենակիցները անկոտրում են եւ օրեցօր վատթարացող իրավիճակը նրանց ավելի տոկուն ու վճռական է դարձնում:
Օրերս ռուս խաղաղապահները խոստացել էին, որ երկու օրվա ընթացքում կապաշրջափակեն ճանապարհը: Ժամանակը լրացել է, սակայն դրական ոչ մի փոփոխություն չկա: Երեկ ամբողջ գիշեր արցախցիները Ստեփանակերտի օդանավակայանում, որտեղ տեղակայված է խաղաղապահների գրասենյակը, հանդիպման ակնկալիքով սպասել են խաղաղապահ ուժերի ղեկավար գեներալ Վոլկովին, բայց հանդիպում այդպես էլ չի կայացել:
«Վաղվա Արցախ» կուսակցության նախագահ Տիգրան Պետրոսյանը այսօր ուղիղ եթերով արցախցիներին կոչ է արել` հավաքվել Ստեփանակերտի օդանավակայանում եւ կառավարության շենքի առջեւ, որպեսզի անպայման հանդիպեն Վոլկովին, լսեն ռուս խաղաղապահների պասիվության մասին վերջինի մեկնաբանությունները եւ ներկայացնեն արցախցիների պահանջները:
Մինչեւ այս պահը տեղեկություն չկա` հանդիպումը կայացե՞լ է, թե՞ ոչ:
Կարդացեք նաև
Աշոտ ՀԱԿՈԲՅԱՆ
