«Այս նախագծերի փաթեթն ուղղված է դատական իշխանության դեմ: Սա իշխանությանը հնարավորություն է տալու իրենց համար ոչ ցանկալի դատավորներին հեռացնել դատական համակարգից, ընդ որում՝ այդ հեռացումը տեղի է ունենալու նուրբ ձեւով»,- խորհրդարանում լրագրողների հետ զրույցում ասաց «Հայաստան» խմբակցության պատգամավոր Էլինար Վարդանյանն՝ անդրադառնալով ՀՀ դատական օրենսգիրք սահմանադրական օրենքում փոփոխություններ եւ լրացումներ կատարելու մասին նախագծերի փաթեթին, որն այսօր քննարկվում էր խորհրդարանի արտահերթ նստաշրջանում։
«Այս նախագծի համաձայն, դատավորի նկատմամբ կարելի է իրականացնել քրեական հետապնդում, եւ եթե մեկ ամիս այդ դատավորի լիազորությունները կասեցված են, ապա ռեզերվային դատավորներից որեւէ մեկը կփոխարինի նրան։ Ու նույնիսկ այն դեպքում, երբ տվյալ դատավորը արդարացվի, նա այլեւս չի վերականգնվի, այլ կմնա ռեզերվում։ Սա դատավորների անկախությամբ նկատմամբ ոտնձգություն է»,-մանրամասնեց Էլինար Վարդանյանը:
Էլինար Վարդանյանի համար նորություն չէ, որ այս իշխանությունը կայուն քայլերով գնում էր դատական համակարգը սեփական գրպանին հարմար դարձնելու ուղով: Նա հիշեցրեց 2019 թվականին՝ դատարանների շրջափակումն այն պարագայում, երբ օդում կախված էր պատերազմի վտանգը, այնուհետեւ ասում էին «վնգստացող դատավորներ», վեթթինգով էին վախեցնում դատավորներին եւ այլն:
Կարդացեք նաև
Նելլի ԳՐԻԳՈՐՅԱՆ
