Aravot.am-ին հասած տեղեկություններով, ՀՀ ոստիկանության Գեղարքունիքի մարզային վարչությունից ստացվել է գրություն, որ Մարտունիի նախկին քաղաքապետ Արմեն Ավետիսյանը, ենթադրաբար չարաշահելով պաշտոնեական դիրքը 2018 թվականին համայնքապետարանի ենթակայությամբ գործող մշակույթի տան տարբեր հաստիքներում հրամանագրել է իր մտերիմներին:
Նրանցից մեկին աշխատանքի է ընդունել որպես մշակույթի տան գեղարվեստական ղեկավար, մեկ ուրիշին՝ մշակույթի տան երաժիշտ, մշակույթի տան էքսկուրսավար, մշակույթի տանը փողային երաժշտական գործիքների ուսուցիչ: Նշված անձիք աշխատանքի չեն ներկայացել, սակայն վարձատրվել են, որի համար համայնքապետարանի բյուջեից դուրս է գրվել ընդհանուր 12.074.000 դրամ աշխատավարձ:
Վերջիններիս աշխատանքի չներկայանալու մասին, ըստ հաղորդման, տեղյակ է եղել նաեւ նշված մշակույթի տան տնօրենի ժամանակավոր պաշտոնակատար, մինչդեռ ոչինչ չի արել:
Ամփոփագիրը եւ կից փաստաթղթերը ուղարկվել է ՀՀ ոստիկանության Գեղարքունիքի մարզային վարչություն՝ ՀՀ Հակակոռուպցիոն կոմիտե ուղարկելու համար:
