Aravot.аm-ի տեղեկություններով, ՀՀ քննչական կոմիտեի Կոտայքի մարզի բաժնի Աբովյանի քննչական բաժնում նախաձեռնվել է քրեական վարույթ «Աբովյան» քրեակատարողական հիմնարկի կալանավորված անձ Մարիետա Խ․-ի դեմ։
Քրեակատարողական հիմնարկի պետը հաղորդում է ներկայացրել ոստիկանություն, ըստ որի, դեկտեմբերի 19-ին, ժամը 16-ի սահմաններում, Մարիետա Խ․-ն, բղավելով՝ վազել է ՔԿՀ-ի օպերատիվ բաժնի պետի ուղղությամբ, փորձել հարվածել վերջինիս, սակայն քրեակատարողական հիմնարկի ծառայողներ կալանավորված կնոջը դուրս են բերել աշխատասենյակից։
Չնայած աշխատակիցների զգուշացումներին ու սաստումներին, տիկին Մարիետան չի բավարարվել այդքանով․ նա սեռական բնույթի հայհոյանքներ է հնչեցրել օպերատիվ բաժնի պետի հասցեով՝ սպառնալով սպանել նրան։
Արմեն ԴԱՎԹՅԱՆ
