Double Tree by Hilton Yerevan հյուրանոցում այս պահին շարունակվում է 2022 թվականի «Տարվա 10 լավագույն մարզիկ» մրցույթը: Ցերեկը քվեարկեցին մարզական լրագրողները: Նրանցից «փոխանցավազքն ընդունել են» ազգային ֆեդերացիայի ներկայացուցիչները: Քվեարկության ավարտին կհաշվարկվեն միավորները եւ կհրապարակվեն լավագույն տասնյակում ընդգրկված մարզիկների անունները:
Քվեարկությունը իրականացնող հանձնաժողովում Aravot.am-ին տեղեկացրին, որ հավատարմագրվել է ընդամենը 15 լրատվամիջոց, իսկ ազգային ֆեդերացիաները հաստատել են ազգային հավաքականների գլխավոր մարզիչների մասնակցությունը քվեարկությանը:
2022 թվականին Հայաստանի մարզիկները 13 մարզաձեւից ընդհանուր առմամբ նվաճել են ռեկորդային թվով՝ 306 մեդալ, որից 104-ը՝ ոսկե: ԿԳՄՍ նախարարությունը կազմել է 25 հավակնորդների ցուցակ, որոնցից բալային համակարգով ընտրվելու են տասը լավագույնները: Այս տարի էլ չի լինելու մարզիկների համարակալում: Բոլոր տասն էլ ճանաչվելու են լավագույն: Պարզապես, ցուցակը հրապարակվելու է այբբենական կարգով:
Աշոտ ՀԱԿՈԲՅԱՆ
