ԱԺ-ում Aravot.am-ը Հովիկ Աղազարյանին փոխանցեց ընդդիմադիրների քննադատությունը, որ իրենց վրայից Լաչինի միջանցքի փակման պատասխանատվությունը թողնում են Ռուսաստանի վրա: Նա պատասխանեց. «Ոչ մեկը Ռուսաստանի վրա չի գցում, բոլորն ասում են, որ դա Ռուսաստանի պատասխանատվության գոտում է»:
Դիտարկմանը, որ նոյեմբերի 9-ի փաստաթուղթը եռակողմ է, Հայաստանն էլ է ստորագրություն դրել, հետեւաբար պատասխանատու է՝ նա պատասխանեց. «Հայաստանն անում է իրենից կախված քայլերը, մասնավորապես՝ ՄԱԿ-ին դիմելով»: Թե ինչ ենք ստանալու դրա արդյունքում, Աղազարյանը պատասխանեց. «Կստանանք՝ կտեսնեք»:
ՔՊ պատգամավոր Քրիստինե Պողոսյանը հարցին՝ իշխանական պատգամավորները ՌԴ-ի վրա են գցում ստեղծված իրավիճակի պատասխանատվությունը, հայկական կողմը չունի՞ պատասխանատվություն՝ պատասխանեց. «Նման բան չի արվում, ոչ մեկը ոչ մեկի վրա չի գցում: Ուղղակի ասում են, որ այս պատասխանատվության գոտին այս մարդու պատասխանատվության ներքո է, սա՝ սա է, չեմ կարծում, որ որեւէ մեկի վրա են գցում»: Հարցին՝ ԱԺ ամբիոնից ձեր իշխող ուժի պատգամավորները, մեկը մյուսին հերթ չտալով՝ նման ելույթներ են ունենում՝ Պողոսյանը պատասխանեց. «Ես ոչ մի պատգամավորի ելույթի համար ո՛չ պատասխանատվություն եմ կրում, ո՛չ իր տեքստն եմ գրել, ո՛չ էլ իմ հետ համաձայնեցվում է»:
Կարդացեք նաև
Ինչ վերաբերում է ՀՀ-ին, նա վստահեցրեց, որ Հայաստանն անում է այն ամենը, ինչը իր պատասխանատվության գոտում է»:
Հռիփսիմե ՋԵԲԵՋՅԱՆ
