Միջազգային ընտանիքը ստիպուած է յստակ տեսնել Ատրպէյճանի արարքները: Ան կը փորձէ ցեղային բնաջնջման ենթարկել Լեռնային Ղարաբաղի բնիկ հայ ժողովուրդը. ՀՅԴ Յունաստանի Հայ դատի յանձնախումբ

Ատր­պէյ­ճա­նի կող­մէ Ար­ցա­խը դէ­պի ար­տա­քին աշ­խարհ կա­պող մի­ջանց­քի փակ­ման եւ Ար­ցա­խը մար­դա­սի­րա­կան նոր ա­ղէ­տի առ­ջեւ յայտ­նո­ւե­լուն պատ­ճա­ռով, Հ.Յ.Դ. ­Յու­նաս­տա­նի ­Հայ դա­տի յանձ­նա­խում­բը նա­մակ ու­ղար­կեց ­Յու­նաս­տա­նի խորհր­դա­րա­նի նա­խա­գա­հին եւ ե­րես­փո­խան­նե­րուն, պա­հան­ջե­լով ան­մի­ջա­կան մի­ջամու­թիւն եւ մի­ջազ­գա­յին քայ­լե­րու կի­րար­կում՝ կան­խե­լու հա­մար Ար­ցա­խի ժո­ղո­վուր­դին վրայ Ատր­պէյ­ճա­նի կող­մէ ցե­ղաս­պա­նա­կան քա­ղա­քա­կա­նու­թեան վտան­գը։

Նամակին մէջ մասնաւորապէս կ՚ըսուի.

Պատրուակ ունենալով բնապահպանական պատճառաբանութիւններ, Ատրպէյճանէն խումբ մը մարդիկ փակ կը պահեն փրկութեան գիծը — միակ ճամբան — որ Արցախը (Լեռնային Ղարաբաղը) կը կապէ Հայաստանի Հանրապետութեան։ Ատրպէյճանցիներու կողմէ նմանատիպ այս երկրորդ փորձն է 9 օրուան ընթացքին, որ պատճառ դարձած է 120.000 տեղացի հայերու լրիւ արգելափակման, ինչպէս նաեւ հարիւրաւոր հայերու ճամբուն մէջտեղ լքման, ձմռան ծանր եղանակին։

Ատրպէյճան անգամ մը եւս կը խախտէ 9 Նոյեմբեր 2020-ի հրադադարի եռակողմ համաձայնութիւնը, որով պարտականութիւն կը ստանձնէր երաշխաւորելու բնակչութեան, փոխադրամիջոցներու եւ ապրանքներու երկու ուղղութիւններով ապահով երթեւեկը Լաչինի միջանցքով։

Կարդացեք նաև

Ինչո՞ւ Փաշինեանի «Արցախը Հայաստան է եւ վերջ»-ը չընդունուիր, սակայն նոյն անձին «Արցախը Ատրպէյճանի մաս է»-ն կ՚ընդունուի. «Հայրենիք»

• 10:41 18.11.2024

ՄԱԿ-ի ամպիոնէն ո՛չ մէկ պարսաւանք՝ Թուրքիա-Ատրպէյճան զինակցութեան ոճիրներուն. «ազգընտիր»-ը անգամ մը եւս կը փաստագրէ, թէ կտրուած է իրականութիւնէն. «Ասպարեզ»

• 11:23 27.09.2024

COPout29-ը` COP29-ին դէմ կանգնող համաշխարհային արշաւ է, որուն նպատակը յստակ է․ մերկացնել Ատրպէյճանի կառավարութեան իսկական գործելաձեւը. «Հայրենիք»

• 11:14 19.09.2024

Եթէ այս գրգռիչ քայլը կանգ չառնէ, Ատրպէյճան մարդասիրական աղէտ պիտի պատճառէ եւ պիտի ականահարէ տարածաշրջանի փխրուն խաղաղութիւնը։ Վերջին երկու տարիներուն, Ատրպէյճան կը փորձէ ցեղային բնաջնջման ենթարկել Լեռնային Ղարաբաղի բնիկ հայ ժողովուրդը, գործադրելով զանազան միջոցներ, որոնց կարգին՝ ռազմական գրգռութիւններ, սարսափի մթնոլորտի ստեղծում եւ հոգեբանական ահաբեկչութեան կիրարկում։ Վերջին գրգռութիւնը բացայայտօրէն մաս կը կազմէ այդ քաղաքականութեան։

Միջազգային ընտանիքը ստիպուած է յստակ տեսնել Ատրպէյճանի շնական արարքները։

Կոչ կ՚ուղղենք Ձեզ՝ սատարելու այս ջանքերուն, պահանջելով Ձեզմէ՝

— Անմիջական երկարաձգում Եւրոպական միութեան դիտորդներու առաքելութեան, ինչպէս նաեւ մասնագէտներու թիւի յաւելում,
— Դիւանագիտական եւ տնտեսական սեղմումներու կիրարկում, նաեւ անձնական պատժամիջոցներ Ատրպէյճանի իշխանութիւններու հարստութիւններուն հանդէպ,
— Ատրպէյճանէն բնական կազի եւ քարիւղի ներածման արգիլում:
— Շօշափելի գործիքակազմերու ստեղծում Լեռնային Ղարաբաղի բնիկ հայ ժողովուրդի պահպանութեան համար՝ Լեռնային Ղարաբաղի Հանրապետութեան անկախութեան ճանաչումով եւ մարդասիրական գրասենեակի հաստատումով երկրէն ներս։

Յայտնենք, թէ վերոգրեալ բոլոր կէտերը յաջորդաբար ընդունուած են Ֆրանսայի Ծերակոյտին եւ Ազգային ժողովին կողմէ 15 եւ 30 Նոյեմբեր 2022-ին։

Ձեր վրայ կը յենուինք կանխելու համար Ատրպէյճանի ցեղասպանական քաղաքականութիւնը ընդդէմ բնիկ հայ ժողովուրդին։

Յունաստանի Հայ դատի յանձնախումբ