Ծանրամարտի Հայաստանի կանանց ազգային հավաքականի անդամ Հռիփսիմե Խուրշուդյանը Կոլումբիայում ընթացող աշխարհի առաջնությունում հանդես գալով 87 կգ քաշային կարգում՝ երկամարտի 238 (108+130) կգ արդյունքով տեղ զբաղեցրեց 4-րդ հորիզոնականում: Սա մեր մարզուհիների լավագույն արդյունքն է Բոգոտայում:
Հիշեցնենք, որ Հռիփսիմեն տարիներ շարունակ զրկված էր պաշտոնական մրցումների մասնակցելու իրավունքից: Այդ ընթացքում նա երկու անգամ մայրացավ, սակայն վճռական էր վերադառնալ մեծ մրցահարթակ եւ ապացուցել, որ իր նկատմամբ արդար չեն վարվել:
Տեւական մարզումներից հետո՝ 35-ամյա Հռիփսիմեն մասնակցեց Հայաստանի առաջնությանը ու դարձավ չեմպիոն: Այնուհետեւ, նրա առաջին միջազգային պաշտոնական մեկնարկը Եվրոպայի առաջնությունն էր: Այստեղ Հռիփսիմեն 227 կգ-ով բավարարվել էր 5-րդ հորիզոնականով: Իսկ արդեն Բոգոտայում նա իր արդյունքը բարելավեց ամբողջ 11 կիլոգրամով:
Ավելի վաղ, Լիանա Գյուրջյանը «B» մասնակցել էր 81 կգ քաշայինների պայքարին եւ երկամարտի 237 կիլոգրամով արձանագրել էր 11-րդ արդյունքը:
Կարդացեք նաև
Աշոտ ՀԱԿՈԲՅԱՆ
