Ռուս խաղաղապահ զորամիավորման տելեգրամյան պաշտոնական էջը վերահրապարակում է արել «Ադրբեջանցի նացիկներն ընդդեմ ռուս խաղաղապահների. Ինչ է կատարվում և ով է կանգնած դրա հետևում» վերտառությամբ: Դրանում մասնավորապես ասվում է.
««Ակտիվիստները» շարունակում են արգելափակել Ստեփանակերտ-Գորիս ճանապարհը: Կադրերում երևում է, որ սա ադրբեջանական իշխանությունների կողմից կազմակերպված ակցիա է՝ լի գունավոր հեղափոխությունների բոլոր ատրիբուտներով, մասնավորապես՝ ռուսերեն, ադրբեջաներեն և անգլերեն լեզուներով պաստառներ՝ լրատվամիջոցներում հեռարձակելու համար, առաջին շարքերում՝ երիտասարդություն, տարեց մարդիկ և կանայք (աղջիկներ), երգեր և վանկարկումներ, կազմակերպված սնունդ:
Ուշադրություն դարձրեք ցուցումներ անող մի խումբ տղամարդկանց վրա, որից հետո նրանք տեղափոխվում են «ցուցարարների ամբոխի» մեջ: Ամբոխում առավել ակտիվ են թուրք- ադրբեջանական նացիկները, որոնք ձեռքերը բարձրացնում են «գորշ գայլերի» ժեստով:
Առավելապես նրանց տխրեցնում է այն, որ խաղաղապահները նրանց հետ երկխոսության մեջ չեն մտնում, այլ պարզապես լռում են (չեն սպառնում, չեն վիճում, հիստերիա չեն բարձրացնում): Խաղաղապահները ճանապարհը փակում են, որպեսզի նրանք առաջ չգնան (իբր հանքերի մոտ), որտեղ կարող են հանդիպել հայերի հետ, ինչի հետևանքով կարող են բախումներ լինել»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
