Մասնագիտությամբ գյուղատնտես, նախկինում Իջևանի վոլեյբոլի թիմի անդամ Լադիկ Ստեփանյանը դարձել է Դյուցազնագրքի կրկնակի ռեկորդակիր: Վերջինս պառկած վիճակում կարողացել է ընդամենը 10 րոպեում ֆուտբոլի գնդակը խաղարկել 1100 անգամ: Նույն ռեկորդը կրկնել է 8 րոպեում` զուգահեռ երգելով:
Ստեփանյանն Aavot.am-ի հետ զրույցում նշեց, որ այս հաջողությունը կապում է նախկինում մարզիկ լինելու հետ: «Երիտասարդ տարիներին սիրում էի վոլեյբոլ խաղալ: Իջևանի մեր թիմն անգամ հաղթող է դարձել միութենական առաջնությանը: Հետագայում այլևս չեմ զբաղվել մարզաձևով: 1992 թ.-ին մասնակցել եմ հայրենի գյուղիս` Վազաշենի պաշտպանությանը: Վիրավորում ստանալով դարձել եմ 3-րդ կարգի հաշմանդամ: Հետագայում սկսել եմ զբաղվել երաժշտությամբ, հեղինակել եմ 200-ից ավելի երգեր, այդ թվում 2 հիմն` Իջևանի մասին: Թովմաս Պողոսյանի խորհրդով ինձ համար բեմական անուն եմ ընտրել` դառնալով գուսան Աղբյուր»,-պատմեց մեր զրուցակիցը:
Լադիկ Ստեփանյանը հավելեց, որ պատրաստ Է իր մարզական փորձով և աշուղական արվեստով օգտակար լինել իր հայրենիքին:
Կարդացեք նաև
Լիա ՃԱՂԱՐՅԱՆ
