ԵՄ քաղաքացիական դիտորդների առկայությունը ՀՀ-ում կայունացնող դեր է խաղում։ Այս մասին այսօր խորհրդարանում լրագրողների հետ ճեպազրույցում ասաց ՀՀ անվտանգության խորհրդի քարտուղար Արմեն Գրիգորյանը՝ անդրադառնալով Ադրբեջանի հարձակումից հետո ԵՄ քաղաքացիական դիտորդների ներկայությանը ՀՀ սահմաններին։ «Ահագին արդյունավետ է։ Հայկական կողմը գտնում է, որ լավ կլինի, եթե նրանք ավելի երկար մնան տարածաշրջանում։ Եվրոպական մայրաքաղաքներից նման ուղերձներ կան։ Եթե քայլ լինի, ՀՀ-ն կողջունի դա»,-նշեց Արմեն Գրիգորյանը։
Անդրադառնալով բնապահպանական խնդիրների պատրվակով Բերձորի միջանցքը փակելու ադրբեջանցիների փորձերին՝ Արմեն Գրիգորյանը շեշտեց․ «Բնականաբար, դա սադրանք է։ Այդտեղ որեւէ բնապահպան չկա։ Բոլորի համար պարզ է, որ չկա բնապահպանական հարց, կա սադրանք, որը խախտում է նոյեմբերի 9-ի եռակողմ հայտարարությունը։ Լաչինի միջանցքը ՌԴ խաղաղապահների գոտում է, եւ աշխտանք է արվում՝ դրա անվտանգությունն ապահովելու համար»։
Լուիզա ՍՈՒՔԻԱՍՅԱՆ
Կարդացեք նաև
