Ռուսաստանի ԱԳՆ պաշտոնական ներկայացուցիչ Մարիա Զախարովան առաջարկել է Հայաստանի իշխանություններից ճշտել հարցը՝ ինչու է 1991թ. Ալմաթիի հռչակագիրը դիտարկվում որպես Արցախը Ադրբեջանի մաս ճանաչելու փաստ, և ինչու է հիմա բանակցային գործընթացում անտեսվում Արցախի ժողովրդի ինքնորոշման իրավունքը, չնայած որ ինքնորոշման իրավունքն ամրագրված է ինչպես ՄԱԿ կանոնադրությամբ, այնպես էլ նույն Ալմաթիի հռչակագրով:
«Հենց այդ հարցը.. դուք տվե՞լ եք Երևանի պաշտոնական ներկայացուցիչներին, Հայաստանի ղեկավարությանը… Դուք կարող եք, չէ՞, այդ հարցը նրանց ուղղել: Չէ՞ որ այն պահանջում է պաշտոնական դիրքորոշման ձևակերպում, առաջին հերթին՝ Երևանում»,- ասել է նա՝ հավելելով, որ արտգործնախարար Սերգեյ Լավրովը իր մամուլի ասուլիսում բոլոր շեշտադրումներն արել է և ավելացնելու բան չկա:
«Ես կարծում եմ՝ Ձեզ համար էլ գաղտնիք չէ, որ մենք վերջին շրջանում բազմաթիվ մեկնաբանություններ ենք տեսել, բազմաթիվ նրբերանգներ… Ցանկալի է հիմնավոր հասկանալ պաշտոնական Երևանի դիրքորոշումը այն ասպեկտներում, որոնք դուք հնչեցրիք: Եվ այդ ժամանակ մենք անմիջապես մանրամասն կմեկնաբանենք»,- ասել է նա:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
