ՄԱԿ-ի մանկական հիմնադրամի (UNICEF) և «Ծնողի դպրոց» հասարակական կազմակերպության նախաձեռնությամբ՝ ՀՀ աշխատանքի և սոցիալական հարցերի նախարարության աջակցությամբ ու ԱՄՆ կառավարության ֆինանսավորմամբ Հայաստանում ստեղծվել է դրական ծնողավարման առաջին առցանց դասընթացը՝ aybuben.parenting.am։
Դասընթացն անվճար է․ այն կազմակերպվում է կարճ և մատչելի տեսադասերի միջոցով։ Ուսումնական ծրագրի նպատակն է՝ իրազեկել ծնողներին ծնողավարման արդիական ու կարևոր թեմաների մասին՝ զարգացնելով վերջիններիս ծնողավարման կարողությունները, նպաստելով ծնող-երեխա փոխվստահության ամրապնդմանը, խաղաղ և երջանիկ ծնողավարմանը։
Ծրագիրը բաղկացած է վեց թեմաներից՝
- ծնող-երեխա արդյունավետ հաղորդակցում,
- կարգապահություն,
- սահմանափակումներ և պատիժ,
- արդյունավետ խրախուսանք,
- որակյալ ժամանակ երեխայի հետ,
- երեխաների հոգեբանական զարգացման տարիքային առանձնահատկությունները։
Դասընթացին միանալու համար անհրաժեշտ է գրանցվել հետևյալ հղմամբ: Տեսադասերը հասանելի կլինեն «Գրանցում» կոճակով կայք մուտք գործելուց հետո։ Գրանցումը՝ պարզ և արագ, մեկ բջջային հեռախոսահամարի պարտադիր առկայությամբ։
Կարդացեք նաև
Կայքից օգտվելու հուշումներին կարող եք ծանոթանալ հետևյալ հղմամբ:
2020 թվականից ՄԱԿ-ի մանկական հիմնադրամն (UNICEF) ընդհանուր սոցիալ-հոգեբանական աջակցության տրամադրումն ու դեպքի վարումը համակարգում է ՀՀ աշխատանքի և սոցիալական հարցերի նախարարության հետ։ ԱՍՀՆ հետ համագործակցությամբ իրականացվում են մի շարք ծրագրեր․ aybuben.parenting.am ծնողավարության ծրագիրը համագործակցության լավագույն արդյունքներից է։
ՀՀ ԱՍՀՆ ՏԵՂԵԿԱՏՎՈՒԹՅԱՆ ԵՎ ՀԱՍԱՐԱԿԱՅՆՈՒԹՅԱՆ ՀԵՏ ԿԱՊԵՐԻ ԲԱԺԻՆ
