Այսօր ԱԺ-կառավարություն հարցուպատասխանի ժամանակ վարչապետ Փաշինյանը հումոր արեց ու զվարճացրեց ՔՊ պատգամավորներին՝ ակամա ակնարկելով Արարատի մարզպետ Գարիկ Սարգսյանին, որը Հայաստանում՝ Արարատի մարզի Դաշտավան գյուղում կոկորդիլոսաբուծարան կառուցելու իր մտադրությամբ բուռն քննարկումների արժանացավ հանրության շրջանում:
ՔՊ պատգամավոր Արմեն Խաչատրյանն ասաց, որ գյուղերում խայտառակ վիճակ է, անասնաբույժ չկա, Ագրարային համալսարանն ավարտած մասնագետները չեն գնում գյուղեր՝ աշխատելու: Վարչապետ Նիկոլ Փաշինյանը պատասխանեց. «Այսօր Հայաստանում կան բազմաթիվ գյուղատնտեսական բիզնեսով զբաղվող ընկերություններ, որոնք Եվրոպայից ժամը 700 եվրոյով մասնագետ են հրավիրում, որ իրենց խորհուրդ տա՝ ինչպես մոշ աճեցնել, կամ ելակ, ծիրան, տանձ: Այսինքն, եթե ձեր ակնարկն այն է, որ Ագրարային համալսարանում ավարտած մասնագետները չեն գնում գյուղեր աշխատելու, որովհետեւ նրանց վճարը այնքան բարձր չէ, հակառակ հարցը կարելի է տալ՝ իսկ ինչու այն տեղերում, որտեղ ժամը 700 եվրոյով մասնագետի կարիք կա, այնտեղ չեն գնում: Այս դիլեմաները կարելի է լուծել բուհական համակարգի խորը եւ համապարփակ բարեփոխման միջոցով»:
Փաշինյանը նորից կրկնեց՝ «Պլանի գլխում Ագրարային համալսարան ունենալը նոնսենս է»: Նա նաեւ հայտարարեց, որ այն գյուղատնտեսությունը, որը մենք ունենք այսօր, չունի ապագա ու չունի հեռանկար. «Դա մոտավորապես նույնն է, ոնց որ մենք ուզենանք դինոզավրերի ֆերմա ստեղծենք: Այդպիսի չհաջողված փորձ մանավանդ արդեն ունեցել ենք»: Փաշինյանն ասաց ու սկսեց ծիծաղել:
Կարդացեք նաև
Հռիփսիմե ՋԵԲԵՋՅԱՆ
