Բաքվի և Անկարայի նկատմամբ սադրանքներն ու սպառնալիքները կընդունվեն որպես ընդհանուր սպառնալիք՝ ուղղված երկու երկրների դեմ: Այս մասին հայտարարել է Թուրքիայի ազգային պաշտպանության նախարար Հուլուսի Աքարն Ադրբեջան կատարած իր այցի ընթացքում:
Հիշեցնենք, Ադրբեջանում երեկ մեկնարկել են թուրք-ադրբեջանական համատեղ զորավարժություններ:
«Թուրքիայի և Ադրբեջանի դեմ ուղղված սպառնալիքներն ու սադրանքները, որտեղից և ում կողմից էլ, որ դրանք գան, մենք կընկալենք որպես ուղղված երկու պետությունների դեմ: Բարեկամներին մենք միասին կընկալենք որպես մեր բարեկամներ, իսկ թշնամիներին՝ որպես մեր թշնամիներ: Դրանում ոչ մեկը թող չկասկածի»,- ասել է Աքարը:
Նա նշել է, որ այս պահին «մենք կրիտիկական փուլով ենք անցնում», երբ աշխարհում և տարածաշրջանում աճել են անարդարությունը, ռիսկերը, սպառնալիքները և վտանգները:
Կարդացեք նաև
«Մեր երկրների ու ժողովուրդների անվտանգության ապահովումն այս բարդ գործընթացում հնարավոր է միայն, եթե մենք ունենանք արդյունավետ, զսպող և հարգանքի արժանի բանակ: Ընդ որում, ուժեղ բանակի համար ժամանակակից մարտական զենքից գործիքներից ու սպառազինությունից բացի՝ անհրաժեշտ են պատրաստված կադրեր, որոնք կկարողանան օգտագործել այդ հնարավորությունները»,- ասել է Աքարը:
Պատրաստեց Վիկտորյա ԱՆԴՐԵԱՍՅԱՆԸ
