Երևանի ավագանու անկախ անդամ Իզաբելլա Աբգարյանի ֆեյսբուքյան գրառումը
Մարդ կար տոնածառի գնման ժամանակ օրը տասը գրառում էր անում, հիստերիայի մեջ թավալվում:
Հիմա ծախսված միլիոնները, այն էլ՝ առանց մրցույթի, ուղիղ գնմամբ, չի նկատում:
Այնինչ տոնածառի գնման ժամանակ լրիվ այլ՝ շատ ավելի անվտանգ ու անհոգ իրավիճակ էր:
Կարդացեք նաև
Մարդ կար «կոռուպցիա, կոռուպցիա» էր ճչում, երբ խոլերայի եզրին կանգնած Երևանի համար մի քանի աղբատար մեքենա գնվեց: Ուղիղ գնման հրատապությունն էլ ճչում էր իր մասին փողոցներում, բակերում կուտակված աղբի տեսքով:
Հիմա զմայլվում ա ուղիղ գնմամբ ու տուրիզմից խոսում: Քաղաքապետի տեղակալի՝ ասուլիսին արված «կրուտիտներն» էլ ՕԿ են կոռուպցիայի դեմ անհաշտ պայքարողիս համար:
Իսկ իրականում ուղիղ գնման հիմքեր չեն եղել: Նոր տարվա լուսավորությունը հրատապ առաջացած ծախս չէ:
Երկրորդ կետն էլ, որը վկայակոչեց քաղաքապետի տեղակալը, վերաբերում է ՄՇԱԿՈՒԹԱՅԻՆ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆՆ ՈՒ ԱՆՑԿԱՑՄԱՆԸ, բայց ոչ լուսավորության սարքավորումների ձեռքբերմանը, մեծածավալ էլեկտրամոնտաժին, որի համար պետք է նախ նախագիծ֊նախահաշվարկի մրցույթ լիներ (գուցե այդ փուլում էլ մտածեին շենքերը չվնասելու մասին), հետո նոր աշխատանքների իրականացման մրցույթ:
Երբ այդ փոփոխությունն արվում էր, որ թույլ տրվի ՄՇԱԿՈՒԹԱՅԻՆ միջոցառման համար ուղիղ գնում, մեզ ներկայացվում էր որպես հիմնավորում համերգի բարձրաճաշակ լինելու, ռաբիսության բացառման գործոնը: Բայց ՈՉ լույսերի ձեռքբերումն ու մոնտաժումը:
Իսկ իդեալական կլիներ, որ ամենասկզբում նաև դիզայնի մրցույթ լիներ, որտեղ մասնագետները կներկայացնեին իրենց տարբերակները: Հնարավոր է՝ շատ ավելի գեղեցիկ ու քիչ գումար պահանջող:
Ինչևէ, մենակ մի հարց: Էն ժամանակ ինչո՞ւ էիք նյարդերս ուտում՝ ձեզ կոռուպցիայից հասկացողի ու սահմանամերձ գյուղերի մասին խիստ հոգացողի տեղ դնելով:
