Aravot.am-ի տեղեկություններով` օրերս խարդախության թիրախում է հայտնվել նախարարություններից մեկի աշխատակիցը։ Մասնավորապես, նոյեմբերի 29-ին Երեւանի բնակիչը հաղորդում է տվել ոստիկանությանն այն մասին, որ «List.am»-ում առկա հայտարարությամբ ապրանք գնելու համար «Վոթսապ» հավելվածի օգտատերը իրենից պահանջել և ստացել է բանկային քարտի տվյալները։ Այդ անձը, սակայն, խաբեությամբ ու վստահությունը չարաշահելու միջոցով քաղաքացու բանկային քարտից կանխիկացրել է 260.000 դրամ:
