2022 թ. պետական բյուջեում արտասահմանյան պատվիրակությունների ընդունելությունների և արտասահմանյան պաշտոնական գործուղումներ ծախսերի ֆինանսավորման համար նախատեսված հատկացումների անբավարարության հետևանքով, ՀՀ կառավարությունն այսօրվա նիստում որոշեց, չորրորդ եռամյակի համար լրացուցիչ միջոցներ տրամադրել:
Այս հարցն ընդգրկված էր չզեկուցվողների մեջ, որ նախագծից տեղեկացանք, որ արտասահմանյան պատվիրակությունների ընդունելությունների համար բյուջեով նախատեսված 370 մլն դրամից նոյեմբերի 4-ի դրությամբ մնացել է 78.7 միլիոնը։ Մինչդեռ ՀՀ վարչապետի որոշմամբ արդեն իսկ լրացուցիչ 197.2 մլն դրամի ծախս է արվել, որը մնացորդային գումարով հնարավոր չէ փոխհատուցել։
ՀՀ կառավարությունն այսօրվա որոշմամբ, ՀՀ կառավարության պահուստային ֆոնդի հաշվին կավելացվի «Արտասահմանյան պատվիրակությունների ընդունելությունների և պաշտոնական գործուղումների կազմակերպում» ծրագրի «Արտասահմանյան պատվիրակությունների ընդունելություններ» տարեկան ճշտված պլանը՝ 180.0 մլն դրամով, իսկ «Արտասահմանյան պաշտոնական գործուղումներ» միջոցառման պլանը՝ 30.0 մլն դրամով:
Լուսինե ՄԱՐԳԱՐՅԱՆ
