Դատախազության մշակած եւ ՀՀ արդարադատության նախարարության կողմից հանրային քննարկման դրված՝ «Պետական պաշտոններ եւ պետական ծառայության պաշտոններ զբաղեցնող անձանց վարձատրության մասին» օրենքում լրացումներ և փոփոխություն կատարելու մասին օրենքի նախագծով առաջարկվում է, այդ թվում` սահմանել, որ դատախազներին աշխատավարձի դրույքաչափի հարյուր տոկոսի չափով հավելում տրամադրելու հնարավորություն է տրվելու։ Խորհրդարանում լրագրողներն այսօր ՔՊ խմբակցության պատգամավոր, ԱԺ պետաիրավական հարցերի հանձնաժողովի նախագահ Վլադիմիր Վարդանյանից հետաքրքրվեցին, թե նման որոշումն ինչո՞վ է բացատրում։
«Մենք առհասարակ մտածում ենք այն մասին, որ աշխատավարձերն իրավապահ համակարգում պետք է բարձրանան։ Երբեք չի քննարկվում հարցը, որ պետական ծառայողն աստղաբաշխական թվերի հասնող աշխատավարձ պետք է ունենա, որովհետեւ այլ արտոնություններ էլ կան, բայց հստակ հասկանանք, որ իրավապահ համակարգում արժանապատիվ վարձատրություն պետք է լինի։ Խոսքն արժանիքահեն անձանց մասին է։ Ես խնդիր չեմ տեսնում։
Շատ ավելի վտանգավոր է, երբ աշխատավարձը ցածր է, բայց նրանց այսպես ասած «թույլատրվում» է այլ լուծումներ ու հնարավորություններ գտնել վարձատրվելու»։
Կարդացեք նաև
Լուիզա ՍՈՒՔԻԱՍՅԱՆ
