Հայաստանի առաջատար շախմատիստները մրցաշրջան 2022-ը կեզրափակեն դեկտեմբերի 26-ից 30-ը Ալմաթիում կայանալիք արագ եւ կայծակնային շախմատի աշխարհի առաջնություններով:
Aravot.am-ին հայտնի են դարձել այս պահին մասնակցությունը հաստատած հայաստանցի շախմատիստների անունները: Ալմաթիում հանդես կգան Էլինա Դանիելյանը, Լիլիթ Մկրտչյանը, Մարիամ Մկրտչյանը, Գաբրիել Սարգսյանը, Ռոբերտ Հովհաննիսյանը, Մանուել Պետրոսյանը, Սամվել Տեր-Սահակյանը, Հայկ Մարտիրոսյանը, Շանթ Սարգսյանը եւ Զավեն Անդրիասյանը:
Ամենայն հավանականությամբ, Հայաստանը ներկայացնող շախմատիստների անունները Ալմաթիում կավելանան: Դրա համար դեռ բավականին ժամանակ կա:
Աշոտ ՀԱԿՈԲՅԱՆ
