Հայաստանի և Ադրբեջանի միջև պատերազմը չի մտնում ՀԱՊԿ իրավասության տակ: Երևանում ՀԱՊԿ նիստի նախօրեին Аргументы и факты թերթին տված հարցազրույցում նման կարծիք է հայտնել Ռուսաստանի Դաշնային խորհրդի փոխխոսնակ Կոնստանտին Կոսաչովը՝ պատասխանելով հարցին, թե արդյոք ՀԱՊԿ-ը և Ռուսաստանը կարող են ավելի եռանդուն՝ նախևառաջ ռազմական օգնություն տրամադրել Հայաստանին՝ Ադրբեջանի հետ հակամարտության հարցում։
«Հայաստանի և Ադրբեջանի միջև պատերազմը, իմ կարծիքով, չի մտնում ՀԱՊԿ իրավասության տակ: ՀԱՊԿ անդամ երկրներից յուրաքանչյուրը ինքն է որոշում իր վերաբերմունքը դրան: Ինչ վերաբերում է Ռուսաստանին, հայտնի է, որ մենք ամենաանկեղծ կերպով փորձում ենք նպաստել կարգավորմանը: Ընդ որում, մեր ջանքերը հավասար կերպով պահանջված են թե՛ մի, թե՛ մյուս կողմի համար: Այլ կերպ չի էլ կարող լինել, իրավիճակը կարող է զարգանալ միայն այդ տրամաբանությամբ: Այս հակամարտության մեջ որևէ մեկին աջակցելու դիրք գրավելը կնշանակեր այն խորացնել: Անհրաժեշտ է զբաղեցնել խաղաղ կարգավորման դիրքորոշում և նպաստել նրան, որ այդ կարգավորման համար պայմաններն ընդունել լինեն բոլոր կողմերի համար»,- ասել է Կոսաչովը:
Պատրաստեց Վիկտորյա ԱՆԴՐԵԱՍՅԱՆԸ
