ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Ադրբեջանական Ictinai TV–ի եթերում «Խաղաղապահները» վերնագրով երգ է ներկայացվել՝ ծաղրի, հեգնանքի ու նաև ատելության երանգներով, որտեղ հիմնական իմաստը խաղաղապահների դուրսբերման կոչերն են: Երգիչները ադրբեջաներեն ու ռուսերեն լեզուներով են երգում: Ներկայացնում եմ որոշ հատվածներ ադրբեջաներենից, քանի որ նման դրվագներով փոխանցվում են նաև հանրային տրամադրություններ:
«Երկու տարի է՝ Ղարաբաղում տուրիստներ են տեղակայվել… մեր տունը հյուր գալով միջանցքի վրա են կանգնել, որով մեր թշնամիների համար զենք են անցկացնում: Տներ են կառուցում, հանդիպումներ են ունենում անջատողականների հետ… Հիմա էլ Վարդանյանին են բերել»:
Վերջում հավելում է. «Տուրիստների վիզայի ժամկետը շուտով կլրանա… դրանից հետո բոլորը Ղարաբաղ գալու համար թող տոմս ստանան տուրիստական ընկերությունից: Փաշինյանն էլ փորձում էր ժամանակ ձգել, բայց ոչ մի բան չկարողացավ անել, քանի որ վերջին խոսքը այդ հողի վրա Ադրբեջանինն է…»:
Կարդացեք նաև
Այս երգը յուրատեսակ ցուցիչ է, թե ինչպես են ցանկանում խաղաղապահների դուրսբերմանը հասնելով նաև հայաթափել Արցախը, թե իբրև բոլոր արդեն որպես «տուրիստ» գան:
