ՀՀԿ ԵԿ ղեկավար Հենրիխ Դանիելյանը «Հենարան» ակումբում խոսելով Հայաստանի եւ Արցախի սահմանների անվտանգության մասին` ասաց, որ այսօրվա իշխանությունների արած հայտարարություններն ու քայլերը ոչ միայն միմյանց չեն համընկնում, այլեւ բերել են կործանարար պատերազմի: Իսկ Հայաստանի հանրապետական կուսակցությունը, հակառակ իշխանության, խաչ չի քաշում Արցախի վրա:
«Մենք առաջնորդվում ենք այն տրամաբանությամբ, որ Արցախը մեր հայկական հողն է եւ երբեք չի լինելու Ադրբեջանի կազմում»-, ասաց նա եւ կրկնեց թեզը, թե հասարակությունը, երկիրը չի կարող ունենալ ոչ մի լավ սպասելիք քանի դեռ այս քաղաքական ուժն է ղեկավարում երկիրը:
«Ուզում եմ նաեւ նշել Նիկոլ Փաշինյանի ասուլիսի հատվածը այն մասին, թե ինչո՞ւ ՌԴ-ն չի արձանագրում, որ Ադրբեջանի կողմից եղել են ինչ-որ քայլեր, որոնք բերել են առճակատման, սահմանային լարվածության եւ այլն: Այդպես նա «լվանում էր» Եվրոպայի երեսը` խեղաթյուրելով իրավիճակը, որովհետեւ այսօր ՀՀ սահմաններ բերել են եվրոպական առաքելություն ունեցող մոնիթորինգային դեսպանների: Մոնիթորինգի մեջ հատուկ կետ կա, որ պետք է հրադադարի ռեժիմ պահպանվի, եւ նրանք պետք է ֆիքսեն այդ հրադադարի խախտման պրոցեսները: Բայց ոչ մի ձայն չեն հանում:
Նիկոլ Փաշինյանն իր խոսքի մեջ ոչ մի անգամ չանդրադարձավ այդ թեմային եւ ոչ մի անգամ չխոսեց այն մասին, որ այդ առաքելությունը ստանձնած եվրոպական ոչ մի երկիր չի արձանագրել այն փաստը, որ Ադրբեջանը ռազմական գործողություններ է իրականացնում սահմանին` պարբերաբար տարբեր տրամաչափի զինատեսակներ գործադրելով Հայաստանի Հանրապետության սուվերեն տարածքի նկատմամբ»,-ասաց նա:
Կարդացեք նաև
Աշոտ ՀԱԿՈԲՅԱՆ
