Միրզոյանը՝ Խովաևին. Ադրբեջանն իր ագրեսիվ վարքագծով և առավելապաշտական նկրտումներով շարունակում է խոչընդոտել տարածաշրջանում խաղաղության հաստատմանը

ԱԳ նախարար Արարատ Միրզոյանն ընդունել է Իգոր Խովաևին

Նոյեմբերի 14-ին ՀՀ ԱԳ նախարար Արարատ Միրզոյանն ընդունել է ԵԱՀԿ Մինսկի խմբի ռուսաստանցի համանախագահ, Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ արտաքին գործերի նախարարի հատուկ ներկայացուցիչ Իգոր Խովաևին։

Հանդիպման ընթացքում քննարկվել են Հայաստանի և Ադրբեջանի միջև հարաբերությունների կարգավորմանը, Լեռնային Ղարաբաղի հիմնահարցի հանգուցալուծմանն առնչվող վերջին զարգացումները:

Զրուցակիցներն անդրադարձել են հոկտեմբերի 31-ին Սոչիում կայացած Հայաստանի, Ռուսաստանի և Ադրբեջանի ղեկավարների վերջին եռակողմ հանդիպմանն ու ընդունված համատեղ հայտարարությանը: Այս համատեքստում Արարատ Միրզոյանը շեշտել է ուժի կամ ուժի սպառնալիքի կիրառումից զերծ մնալու կողմերի հանձնառության կարևորությունը՝ նշելով, որ Ադրբեջանն իր ագրեսիվ վարքագծով և առավելապաշտական նկրտումներով շարունակում է խոչընդոտել տարածաշրջանում կայուն ու երկարաժամկետ խաղաղության հաստատմանը:

Կարդացեք նաև

«Ցեղասպանությունից հրաժարվելու քաղաքականությունը բերելու է նրան, որ թուրքերը մեզանից պահանջելու են ներողություն խնդրել՝ տասնամյակներ շարունակ իրենց «զրպարտելու» համար»

• 12:30 04.11.2024

Հենց այսօր պետք է խոսեն հարյուրավոր ցեղասպանագետները, Ցեղասպանության զոհերի ժառանգները, ինստիտուտները, հիմնադրամները, բոլոր հայերը. Մարգարիտ Եսայան

• 12:15 02.11.2024

Ցեղասպանության ժխտումը հղի է նոր ողբերգություններով․ Տիգրան Աբրահամյան

• 11:50 02.11.2024

Արարատ Միրզոյանը և Իգոր Խովաևը մտքեր են փոխանակել նաև Հայաստանի և Ադրբեջանի միջև սահմանազատման գործընթացի, ինչպես նաև տարածաշրջանի տրանսպորտային ենթակառուցվածքների ապաշրջափակման վերաբերյալ:

ՀՀ ԱԳՆ