Այսօր ձերբակալվել է Բերդի համայնքապետ, «Զորավոր համայնք» դաշինքի ղեկավար Հարություն Մանուչարյանը։ Այդ մասին Aravot.am–ին հայտնեց Մանուչարյանի պաշտպանը՝ փաստաբան Արման Թամրազյանը։ «Ոչ թե բերման է ենթարկվել, այլ ձերբակալվել է, իմ տեղեկություններով այս պահին նրան տեղափոխում են հակակոռուպցիոն կոմիտե։ Չգիտեմ թե ինչ փաստերի հիման վրա, սակայն հավանաբար պաշտոնական դիրքի չարաշահման և կեղծիք կատարելու մեղադրանքով։ Չակերտների մեջ՝ մենք շատ համոզված ենք, որ այս ձերբակալությունը այսօրվա ավագանու նիստը «խափանելու միտում չունի» և կապ չունի նիստի հետ»,-հավելեց Թամրազյանը։
Հիշեցնենք, որ Բերդի համայնքապետ Հարություն Մանուչարյանը 2021 թվականի նոյեմբերի 9-ից կալանավորված էր և ազատ է արձակվել մեկ ամիս առաջ։
Հիշեցնենք, որ սեպտեմբերի 15-ին կայացած ՏԻՄ ընտրություններում հաղթել է Հարություն Մանուչարյանի գլխավորած «Զորավոր համայնք» դաշինքը։
Այսօր գումարվում է Բերդի ավագանու նիստը։ Օրակարգում համայնքի ղեկավարի ընտրությունն է։
Կարդացեք նաև
Լիա ՃԱՂԱՐՅԱՆ
Գլխավոր լուսանկարը հրապարակվել է Բերդի համայնքապետարանի ֆեյսբուքյան էջում հոկտեմբերի 10-ին՝ գրությամբ․ «Բերդ համայնքի ղեկավար Հարություն Մանուչարյանը վերադարձել է իր պարտականությունների կատարմանը: Բարի վերադարձ, պարո՛ն համայնքապետ»։
