«Ամերիկայի ձայն». ԱՄՆ պետքարտուղարությունը հաղորդագրության միջոցով նոյեմբերի 8-ին մեկնաբանել է ԱՄՆ-ի, Հայաստանի ու Ադրբեջանի արտաքին գերատեսչությունների ղեկավարների երեկ կայացած հանդիպումը Վաշինգտոնում:
Հաղորդագրության տեքստում մասնավորապես ասված է. «Պետքարտուղար Էնթոնի Բլինքենը նոյեմբերի 7-ին Blair House-ում հյուրընկալել է Հայաստանի արտգործնախարար Արարատ Միրզոյանին և Ադրբեջանի արտգործնախարար Ջեյհուն Բայրամովին, որպեսզի նպաստի կայուն խաղաղության համաձայնագրի առաջմղմանը: Երեկվա հանդիպումը վկայում է, որ Ադրբեջանն ու Հայաստանը երկխոսության ակտիվացման ճանապարհով լրջորեն ձգտում են խաղաղության։ Միացյալ Նահանգները շարունակում է հավատարիմ մնալ Հարավային Կովկասում խաղաղության աջակցմանը», – նշված է ԱՄՆ պետքարտուղարության մամլո հաղորդագրությունում:
