Ադրբեջանում Իրանի, Իսրայելի և Բելառուսի դեսպանատները շնորհավորական հրապարակումներ են կատարել 2020թ. պատերազմում Ադրբեջանի հաղթանակի կապակցությամբ:
«Թող բարձրյալը հանգստություն շնորհի բոլոր շեհիդներին»,- ըստ APA-ի` ասվում է Իրանի դեսպանատան շնորհավորանքում:
«Շնորհավոր Հաղթանակի օրը, Ադրբեջան: Ամբողջ տարածաշրջանին մաղթում ենք խաղաղություն, բարգավաճում,ապագայի լիարժեք հույսեր»,- ասվում է Իսրայելի դեսպանատան շնորհավորական գրառման տեքստում:
«Բելառուսի դեսպանատունը շնորհավորում է եղբայրական ադրբեջանցի ժողովրդին տոնի կապակցությամբ: Ի սրտե հաջողություն ենք մաղթում տարածաշրջանում խաղաղությունն ու անվտանգությունը վերականգնելու հարցում` հանուն Ադրբեջանի բարօրության և բարգավաճման»,- ասվում է Բելառուսի դեսպանատան շնորհավորանքում:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
