«Ներհոսքը Հայաստան, հիմնականում ԵԱՏՄ անդամ եւ ՌԴ քաղաքացիներ են: Նրանք Հայաստանում օգտվում են աշխատանքային գործունեության հեշտացված ռեժիմից, ուստի առանձնակի խնդիրներ չեն առաջացել այս ընթացքում»,- ԱԺ պետաիրավական հարցերի մշտական հանձնաժողովի նիստում այսօր ասաց ՀՀ միգրացիոն ծառայության պետի տեղակալ Իրինա Դավթյանը՝ պատասխանելով հարցին, թե ի՞նչ աշխատանքային խնդիրների են բախվել մինչ օրս Հայաստան եկած օտարերկրյա քաղաքացիները, որոնց թիվը, վերջին շրջանում, բավական մեծ է: Տիկին Դավթյանը մանրամասնեց, որ այդ անձանց եւ նրանց ընտանիքի անդամների՝ Հայաստանում գտնվելու թույլտվությունը կազմակերպվում է աշխատանքային պայմանագրի հիման վրա՝ առանց հավելյալ փաստաթղթերի անհրաժեշտության: Բացի այդ, գործում է առցանց հարթակ, որի միջոցով հնարավոր է հեշտացված տարբերակով ստանալ կացության օրինականությունը հավաստող տեղեկանք՝ ընդամենը մեկ անգամ այցելելով ծառայություն՝ տեղեկանքը ստանալիս:
Իրինա Դավթյան
Ինչ վերաբերվում է ինքնազբաղված աշխատողներին, ովքեր Հայաստանում աշխատանքային պայմանագիր չունեն, գործող օրենսդրությամբ, նրանց համար նախատեսված է առանց լրացուցիչ փաստաթղթերի, երկրում գտնվել 180 օր: Կառավարությունում քննարկում են հարեւան Վրաստանի օրինակով՝ տվյալ խմբի համար, երկրում գտնվելու թույլտվությունը 360 օր սահմանել:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
