2023 թվականի բյուջեով Հեռուստատեսության եւ ռադիոյի հանձնաժողովին կհատկացվի 374 մլն 132 հազար դրամ՝ երկու ծրագիր իրականացնելու համար: 2022 թվականի համեմատ մոտ 35 մլն աճը պայմանավորված է աշխատավարձի բարձրացմամբ: Այս մասին այսօր խորհրդարանում 2023 թվականի բյուջեի նախագծի քննարկումների ժամանակ ասաց հանձնաժողովի նախագահ Տիգրան Հակոբյանը:
Եկող տարի հանձնաժողովը կիրականացնի տեսալսողական մեդիայի ոլորտի կանոնակարգման ծրագիր, դրա նպատակն է՝ հեռարձակվող լրատվության միջոցների ազատության, անկախության եւ բազմազանության ապահովումը, տեսալսողական ոլորտի վերահսկումը եւ կարգավորումը: Իսկ դրա նպատակն, ըստ Տիգրան Հակոբյանի, հեռարձակվող լրատվության միջոցների ազատության, անկախության եւ բազմազանության բարձր մակարդակի, մրցակցային հավասար պայմանների, տեսալսողական ոլորտում օրինախախտումների նվազեցման, հեղինակային իրավունքի պահպանության, ոլորտի համաչափ զարգացման ապահովումն է:
Մանրամասները՝ տեսանյութում
Կարդացեք նաև
Հանրային հեռուստառադիոընկերության խորհրդին 2023 թվականին կհատկացվի 7,676.2 մլն դրամ: Հանրային հեռուստաընկերությանը կհատկացվի 11 մլրդ դրամ: Հանրային ռադիոընկերությանը նախատեսվում է հատկացնել 956 մլն դրամ: Ոլորտի բյուջեի նախագծի քննարկումը խորհրդարանում տեւեց 6,5 րոպե:
Մանրամասները՝ տեսանյութում
Նելլի ԳՐԻԳՈՐՅԱՆ
