Գործարկվել է բարձր որակավորում ունեցող մասնագետների (ԲՈՈՒՄ) ներգրավման խթանման տեղեկատվական օնլայն հարթակը։
2022 թ. ՀՀ Կառավարությունը ընդունել է Հայաստանի ներդրումային խորհրդի և ՀՀ Էկոնոմիկայի նախարարության կողմից համատեղ մշակված միջոցառումը, որն ուղղված է բարձր որակավորում ունեցող մասնագետների (ԲՈՈՒՄ) ներգրավման խթանմանը։ Այն գործատուները, որոնք կներգրավեն բարձր որակավորում ունեցող մասնագետներ (ԲՈՈՒՄ), կարող են դիմել ԲՈՈՒՄ-ին վճարվող աշխատավարձի 20%-ից ընդհուպ մինչև 70% պետական սուբսիդավորմանը։
Գործարկված Talent.icarmenia.am առցանց հասանելի հարթակում կարելի է օնլայն գործիքի միջոցով ստուգել, արդյոք տվյալ մասնագետը համապատասխանում է սահմանված չափանիշներին, գտնել մանրամասն բացատրություն, թե ով կարող է դիմել պետական աջակցությանը, որքան է փոխհատուցման չափը, ինչ փաստաթղթեր են անհրաժեշտ դիմելու համար և ինչպես դիմել և ուր ուղարկել լրացված դիմումը։
Մանրամասն նկարագրություն, աջակցության չափի սանդղակը և այլն տեղեկատվություն հասանելի են կից ուղարկված մամուլի հաղորդագրությունում։
Ուրախ կլինեմ պատասխանել ձեր հարցերին և/կամ կազմակերպել հարցազրույցներ և հանդիպումներ պատասխանատու պաշտոնյաների հետ։
