«Այսօր հրապարակված վերջնական թվեր չկան, որպեսզի պնդեք, որ աղքատության աճ կա տնտեսական աճի պայմաններում»,-լրագրողների հետ ճեպազրույցում այսօր ասաց էկոնոմիկայի նախարար Վահան Քերոբյանը՝ անդրադառնալով գնահատականներին, որ վարչապետ Նիկոլ Փաշինյանի հայտարարած տնտեսական ակտիվության տեմպերին զուգահեռ՝ ՀՀ-ում աղքատությունն աճում է։
«Բայց դա չի նշանակում, որ խնդիրը գոյություն չունի։ Տնտեսական բարձր աճը սովորաբար գնում է որոշակի խավի մարդկանց գրպանը։ Դրանից օգտվում են մի դասի մարդիկ՝ ձեռնարկատերեր, միջին խավ, մարդիկ, որոնք ավելի բարեկեցիկ են ապրում։ Տնտեսագիտորեն այդպես էլ պետք է լինի։ Վարչապետը նույնպես նշել է, որ մի տարում հիսուն հազար նոր աշխատատեղ է ստեղծվել, այսինքն, այդքան մարդու ընտանիքում բարեկեցության մակարդակը դեպի լավն է փոխվել։ Տարեսկզբին 29 000 չբնակեցված բնակարան կա, հիմա թիվը հասել է 22000-ի։ Բայց չեմ ժխտում, որ տարվա վերջում կարող ենք տեսնել աղքատության ավելի բարձր ցուցանիշ»,-նշեց Վահան Քերոբյանը։
Նրա խոսքով՝ բարձր գնաճն այսօր հիմնականում մեզանից չէ կախված, եւ կան գնահատականներ, որ աղքատության մակարդակը կարող է բարձրանալ հենց գնաճի պատճառով։
Կարդացեք նաև
Լուիզա ՍՈՒՔԻԱՍՅԱՆ
