«Արփի լիճ ազգային պարկի» տնօրեն Մուշեղ Մուրադյանն Aravot-ի հետ զրույցում պատմեց, որ Արփի լճից այս ամռանը որսացել են ամենամեծ քաշով սազանը։
«Թե՛ այցելուները, և թե՛ սիրողական ձկնորսները պարտադիր գրանցվում են «Արփի լիճ» ազգային պարկում, մշտադիտարկում ենք անում։ Մեր աշխատակիցները միշտ մոտենում են նրանց, զրուցում, տեսնում ՝ինչ քանակի ու ինչ ձկնատեսակներ են որսացել։
Այս տարի գրանցվեց մեզ համար զարմանալի դեպք․ սազան կամ ծածան տեսակի ձկի քաշը մոտ 11 կիլոգրամ էր։ Չենք հիշում, որ երբևէ նման քաշի սազան որսած լինեին Արփի լճից», -ասաց Մուշեղ Մուրադյանը։
Կարդացեք նաև
Հիշեցնենք, որ Արփի լճում այս տարի ավելացել են ձկնատեսակները, ըստ Մուշեղ Մուրադյանի, սազանը, որը այս տարածքում կարելի էր ասել՝ վերացել է, այժմ, ի ուրախություն ձկնորսների՝ նորից կա։
Լճում առկա են 13 ձկնատեսակներ՝ սազանը, կարասը, կարպը, կարմրախայտը, կովկասյան թեփուղը։ Սրանք հիմնական հանդիպող ձկնատեսակներն են։
Նունե ԱՐԵՎՇԱՏՅԱՆ
