«Տնտեսական ակտիվության ցուցանիշը շատ բարձր է, եւ, կարծում եմ, դրա վրա չեն ազդում քաղաքական զարգացումները։ Հատուկ հետեւել եմ։ Օրինակ, մայիսի իրադարձությունների ժամանակ, երբ որոշակի գործողություններ կային փողոցում ընդդիմության կողմից, հենց մայիսին ունեցել ենք տնտեսական ամենաբարձր ցուցանիշները»,-խորհրդարանում լրագրողների հետ ճեպազրույցում այսօր հայտարարեց վարչապետի աշխատակազմի ղեկավար Արայիկ Հարությունյանը։
Նկատառմանն ի պատասխան, թե ինչպե՞ս է դրանք իրար հետ կապում, նա ասաց․ «Չեմ կապում։ Ասում եմ, որ որեւէ կապ չունեն իրար հետ։ Սա նշանակում է, որ ներքաղաքական զարգացումներն ազդեցություն չունեն այդ ցուցանիշների վրա, որովհետեւ մեզ հաջողվել է ինստիտուցիոնալ հիմքերի վրա դնել տնտեսական զարգացումները»։
Լուիզա ՍՈՒՔԻԱՍՅԱՆ
