ՀՀ արտաքին գործերի նախկին նախարար Զոհրաբ Մնացականյանը թվիթերյան իր միկրոբլոգում գրառումներ է կատարել՝ անդրադառնալով ՀՀ ինքնիշխան տարածք Ադրբեջանի ներխուժման վերաբերյալ ՀԱՊԿ-ի դիրքորոշմանը, Բելառուսի նախագահ Ալեքսանդր Լուկաշենկոյի ելույթին, Արցախի ճակատագրին.
«ՀԱՊԿ-ն իր անդամների համար ամեն ինչ է, բայց ոչ հավաքական անվտանգություն: Բելառուսն այն բացահայտորեն վերածում է Ադրբեջանի հավաքական անվտանգության կազմակերպության։ Բելառուսի հետ կապված իրավիճակի զավեշտն այն է, որ թեև նրանք դաշնակիցներ են ՀԱՊԿ-ում, բայց նաև Չմիացած երկրների շարժման (120 զարգացող երկրների ֆորում, որտեղ պետությունները վարում են ռազմաքաղաքական խմբավորումներին չմասնակցելու արտաքին քաղաքականություն. «Առավոտ») անդամներ են։ Ինչպիսի կատակ»:
Ապա Մնացականյանը հավելել է. «Բելառուսի բռնապետի հիմար դատողությունները և հուզական պոռթկումները վտանգավոր են նրանով, որ նա փորձում է այլոց քաշել իր մակարդակին և փորձով «կծել» նրանց: Իհարկե, նա իր շրջապատում նախընտրում է ադրբեջանցի «յուրայինին»։ Աշխարհի բռնապետե՛ր, միավորվե՛ք»:
Մեկ այլ գրառմամբ ՀՀ նախկին արտգործնախարարը նշել է. «Փաստը մնում է փաստ՝ ՀԱՊԿ անդամ Հայաստանի ինքնիշխան տարածքը շարունակում է օկուպացված մնալ Ադրբեջանի կողմից: Ցանկացած խաղաղ բանակցություն՝ առանց նախապես անդրադառնալու Հայաստանի անհապաղ և լիակատար ապաօկուպացմանը, խաղաղության ծաղր է»։
Կարդացեք նաև
Զոհրաբ Մնացականյանի 4-րդ գրառումը. «Արցախը դիտարկելը՝ առանց նրա ժողովրդին սպառնացող իրական, շոշափելի, գոյաբանական սպառնալիքին անդրադառնալու, նախերգանքն է այն զանգվածային հանցագործություններին օժանդակման և աջակցման ակտի, որն Ադրբեջանը պատրաստ է իրականացնել։ Նրանք առատ նախազգուշական նշաններ են տվել նման միտումների համար»:
1/4 @CSTO_ODKB is about anything but collective security for its members. #Belarus openly turns it to Collective Security for #Azerbaijan Organization. The irony with Belarus is that while they are allied in CSTO, they are also a member of Non-Aligned Movement (NAM). What a joke
— Zohrab Mnatsakanyan (@ZMnatsakanyan) November 2, 2022
2/4 The thickhead judgments and emotional outbursts from the despot of #Belarus are dangerous in that he aims at dragging the rest to his level and bit them with experience. Of course he prefers “our man” from #Azerbaijan in his circle. Dictators of the world, unite!
— Zohrab Mnatsakanyan (@ZMnatsakanyan) November 2, 2022
3/4 Fact remains - sovereign territory of CSTO member #Armenia remains occupied by #Azerbaijan. Any peace negotiation without first addressing immediate, full de-occupation of #Armenia is a mockery of peace.
— Zohrab Mnatsakanyan (@ZMnatsakanyan) November 2, 2022
4/4 Consideration of #Artsakh without addressing real, tangible, existential threat to its people is a prelude to an act of aiding and abetting massive crimes that #Azerbaijan is readying to commit. They have been providing ample warning signs for such tendencies.
— Zohrab Mnatsakanyan (@ZMnatsakanyan) November 2, 2022
