«Տնտեսությունն, այսօր, ըստ էության, բում է ապրում։ Հունվար-սեպտեմբերի տվյալներով՝ տնտեսական ակտիվության ցուցանիշը 14,1% է։ Սա շատ կարեւոր ցուցանիշ է։ Կարեւոր է արձանագրել, որ այս տեմպը մեզ հնարավորություն է տալիս, որ այս տարվա արդյունքներով հաղթահարված համարենք 2020թ․-ի համավարակի եւ պատերազմի հետեւանքով առաջացած տնտեսական դժվարությունները եւ վերականգնենք տնտեսական զարգացման տեմպը»,-ԱԺ մշտական հանձնաժողովների համատեղ նիստում այսօր ՀՀ 2023թ․-ի պետական բյուջեի նախագծի քննարկման ժամանակ հայտարարեց վարչապետ Նիկոլ Փաշինյանը։
«Այսինքն, զուտ տնտեսության առումով այս տարի հնարավորություն ունենք եւ այն կիրացնենք՝ վերադառնալու 2019թ․-ի տեմպին։ Շատ կարեւոր է նաեւ գնահատել այս տնտեսական ցուցանիշը, որովհետեւ առիթ ունեցել եմ ասելու, որ ոմանք քաղաքական, ոմանք էլ ոչ քաղաքական նկատառումներով, բայց ասում են՝ ի՞նչ կապ ունի կառավարությունն այս տնտեսական հաջողության եւ աճի հետ։ Կառավարությունների մեծ դերն այն է, որ երկիրն առավելագույնս պատրաստ լինի դիմակայել դժվարություններին»,-հավելեց Նիկոլ Փաշինյանը։
Նրա խոսքով՝ այսօր քաղում ենք պտուղները մենաշնորհների վերացման, օլիգարխիայի վերացման, օրենքի առաջ բոլորի հավասարության ապահովման, համակարգային կոռուպցիայի հաղթահարման։
Կարդացեք նաև
Լուիզա ՍՈՒՔԻԱՍՅԱՆ
Սուտը՝ որպես երկիրը քանդելով իշխանության մնալու ճշմարիտ ուղի: