«Ուզում եմ դիմել Առաքելական սուրբ եկեղեցուն, Վեհափառին՝ ակնկալելով իր օրհնությունը եւ աջակցությունն այդ շատ կարեւոր նախաձեռնությանը»,- այսօր հրավիրված մամուլի ասուլիսում ասաց «Դիմադրության» շարժման համակարգող Իշխան Սաղաթելյանը՝ խոսելով շարժման՝ նոյեմբերի 5-ին, Ֆրանսիայի հրապարակում հրավիրած հանրահավաքի մասին: Այդ հանրահավաքն Իշխան Սաղաթելյանը համարում է ոչ քաղաքական եւ ոչ կուսակցական, այլ համազգային հանրահավաք՝ հանուն Արցախի եւ Հայաստանի: Ամենակարեւոր ընդգծումը, որն անում է նա, այդ հանրահավաքը «հայ մարդու հրավիրած հանրահավաք է, հայկական օրակարգով»:
Նա դիմեց նաեւ մտավորականներին, գիտական համայնքին, արվեստագետներին՝ հայ ժողովրդի ճակատագրական եւ կարեւոր պահին՝ մասնակցեն հանրահավաքին՝ ցույց տալու մտավորականության կամքը: Դիմեց երիտասարդներին՝ ոտքի կանգնելու, միասին տեր կանգնելու հայրենիքին, միասին ստանձնելու պատասխանատվություն՝ երկրի ապագայի եւ ճակատագրի համար: Դիմեց քաղաքական ուժերին՝ մի կողմ թողնելով քաղաքական ու կուսակցական շահերը՝ համախմբվել այս կարեւոր գաղափարի շուրջ: Նաեւ, հերթական անգամ դիմեց քաղաքական մեծամասնությանը. «Նիկոլին պաշտպանելու ժամանակը չի, պաշտպանելով Նիկոլին՝ զոհաբերում եք Հայաստանն ու Արցախը»:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
