Այսօր ՔՊ 6-րդ համագումարին ՔՊ կուսակցության վերահսկող հանձնաժողովի նախագահ Սոնա Ղազարյանը ներկայացրեց կուսակցության հաշվետվությունը՝ հիշեցնելով, որ իրենց բյուջեն գոյացել է անդամավճարներից, նվիրատվություններից, պետական ֆինանսավորումից: Թե ինչի վրա են ծախսել գումարը, նա թվարկեց՝ գրասենյակների վարձակալություն, դրանց պահպանման ծախսեր, աշխատավարձ, հարկեր եւ 2021-ին կուսակցության կողմից հիմնադրված «Civic» լրատվականն ու վերջինիս ծախսերը:
Ըստ հաշվետվության, 2019-ին կուսակցության եկամուտը կազմել է 91 մլն 744 հազար դրամ, ծախսը՝ 78 մլն, 2020-ին կուսակցության եկամուտը կազմել է 217 մլն 915 հազար դրամ, ծախսվել է 135 հազար դրամ, 2021-ին եկամուտը կազմել է 624 մլն 429 հազար դրամ, ծախսը կազմել է 705 մլն 699 հազար: Ղազարյանը տեղեկացրեց, որ 2020-ին ու 2021-ին կուսակցությունը ձեռք է բերել գույք: ՔՊ-ն այդ շրջանում ներկայացրել է ֆինանսական միջոցների ու գույքի մասին հաշվետվություն:
ԱԺ պետաիրավական հարցերի հանձնաժողովի նախագահ Վլադիմիր Վարդանյանը համաժողովում ներկայացրեց ՔՊ կուսակցության նոր կանոնադրությունը:
Հռիփսիմե ՋԵԲԵՋՅԱՆ
