«Փորձ են անում հանրության մոտ ստեղծել տպավորություն, թե կա ռուսական առաջարկ, որը մեզ համար դրական է եւ կա արեւմտյան առաջարկ, որը բացասական է մեզ համար, եւ ՀՀ կառավարությունը մերժում է ռուսական ծրագիրը, ընդունում է արեւմտյան ծրագիրը: Կներեք, սա իրականության հետ ոչ մի կապ չունի: Որ կա ռուսական ընկալում եւ արեւմտյան ընկալում, դա ճիշտ է եւ ՀՀ-ն ռուսական ընկալման հետ համաձայնվել է ու սկզբունքային պայմանավորվածություն ձեռք է բերել 2021-ի հունվարին: Այդ պայմանավորվածության անկյունաքարային սկզբունքը եղել է, ու ՌԴ-ն ԼՂ-ի եւ ՀՀ-ի անվտանգության երաշխավորն է: Մենք պայմանավորել ենք այս սցենարի ու պլանի շուրջ»,-այսօր ՔՊ 6-րդ համաժողովին իր ելույթում ասաց վարչապետ Նիկոլ Փաշինյանը:
Նա ընդգծեց, որ այդ պլանը ներկայացվել է ՀՀ-ին 2021-ի օգոստոսին եւ ասվել է, որ ՌԴ համանախագահողը սեպտեմբերին կգա. «Սոչիում կայանալիք հանդիպմանը ես պատրաստ եմ պաշտոնապես արդեն ընդունել, եթե անհրաժեշտ է՝ եռակողմ պայմանավորվածությամբ ստորագրել այդ 15 կետերի հիման վրա համաձայնության հասնելու փաստաթուղթը: Դա ընդունել հիմք՝ Հայաստանի եւ Ադրբեջանի միջեւ խաղաղության պայմանագրի: Ես ասել եմ՝ հույս ունեմ, որ ՌԴ-ն իր առաջարկությունները կպաշտպանի: Այնտեղ կա նաեւ ռուս խաղաղապահների մասին: Մենք ուզում ենք, որ ռուս խաղաղապահները ԼՂ-ում շարունակեն իրենց գործունեությունը: Ես պատրաստ եմ Սոչիում ստորագրել փաստաթուղթը եւ ընդունել, որ ռուս խաղաղապահների ներկայությունը ԼՂ-ում երկարացվի 10, տարով, 15 տարով, 20 տարով: Եթե պետք է՝ ես հանդես կգամ այդ առաջարկով, բայց ՌԴ-ն պետք է պաշտպանի այդ առաջարկությունը: Եթե մենք ու ՌԴ-ն համաձայնենք, կլինենք մեծամասնություն: Բայց նաեւ պետք է ազնիվ խոսենք սահմանապահները ինչ են անում Ղարաբաղում, որովհետեւ Փառուխի դեպքը մենք չենք մոռացել: Ամենաբարձր մակարդակով եղել է պայմանավորվածություն, որ ադրբեջանցիները պետք է դուրս գան ռուս խաղաղապահների տեղակայման գոտուց, իսկ այդ խոստումը, հանձնառությունը մինչեւ այժմ չի կատարվել: Մեզ քննադատները խոցելու համար ասում են՝ Ղարաբաղը Փառուխ առ Փառուխ ուզում եք տա՞ք: Ճշմարտություն կա մեջը՝ քննադատության թիրախ լինելով: Ես պատրաստ եմ ստորագրել ռուս խաղաղապահների ներկայությանը, ինչքա՞ն եք ուզում՝ 10, 15, 20… ՌԴ-ն, որպես միջնորդ, թող այդ նախագիծը ներկայացնի: Ես սա հրապարակային եմ ասում, որ շահարկումների տեղ չտա: Վերջին 2,5 տարվա մեր մեծագույն սխալն է եղել, որ մենք հանրության հետ բաց չենք խոսել»:
Հռիփսիմե ՋԵԲԵՋՅԱՆ
