ՄԻԵԴ-ում գերիների ու ռազմագերիների շահերի ներկայացուցիչ, ՀՀ արդարադատության նախկին նախարար Արտակ Զեյնալյանի ֆեյսբուքյան գրառումը
Ֆրանսիայի Մոնպելիե քաղաքի փաստաբանների պալատն ինձ շնորհել է՝ Ժան-Կլոդ Բարրալի անվան մարդու իրավունքների և ազատությունների համար 2022թ մրցանակը. շնորհել է իրավապաշտպան բազմամյա գործունեության համար:
Հատկանշական է, որ Հայաստանից շուրջ 4000 կմ հեռավորության վրա նկատվել և գնահատվել է գործունեությունս, ստացած արդյունքները:
Սիրով, պատրաստակամությամբ և երախտագիտությամբ ընդունել եմ մրցանակը:
Կարդացեք նաև
Շնորհակալ եմ մրցանակը ինձ հանձնող Մոնպելիե քաղաքի փաստաբանների պալատի նախագահին և անդամներին, հանձնելու արարողությանը ներկա Հայաստանի Բարձրագույն Դատական Խորհրդի, դատական իշխանության, Հայաստանի մարդու իրավունքների պաշտպանի գրասենյակի ներկայացուցիչներին, բոլոր նրանց, ովքեր շնորհավորեցին և սրտանց ուրախացան՝ 2022թ տարվա մրցանակը Հայաստանցի իրավապաշտպանի արժանացնելու համար:
Իմ երախտագիտությունը՝ գործընկերներիս, թիմակիցներիս, աջակիցներիս, ընդդիմախոսներիս, մրցակիցներիս, որոնց ջանքերով հասել եմ գնահատականի արժանի արդյունքների:
