«Ամերիկայի ձայն». Նյու Ջերսիի սենատոր Բոբ Մենենդեսը Նյու Յորքում դաշնային քրեական հետաքննության տակ է, հաստատել է սենատորի քաղաքական խորհրդականը:
Նյու Ջերսիի դեմոկրատների քաղաքական խորհրդական Մայքլ Սոլիմանը CBS News-ին ասել է. «Սենատոր Մենենդեսը տեղյակ է հետաքննության մասին… Նա պատրաստ է տրամադրել ցանկացած ինֆորմացիա, որը կպահանջվի իրենից կամ իր գրասենյակից»:
Դաշնային դատախազներն առաջին անգամ հետաքննել էին Մենենդեսին 2015 թվականին, երբ նա մեղադրվում էր կաշառակերության ենթադրյալ սխեմայի մեջ, սակայն դատի արդյունքում նա չէր դատապարտվել: Դատախազները պնդում էին, որ Մենենդեսը մասնավոր ինքնաթիռով թռիչքներ էր արել և այլ արտոնություններ ստացել՝ օգնելու համար ապահովել պայմանագրեր:
Դեռ պարզ չէ, թե արդյոք այս վերջին հետաքննությունը նո՞ւյնպես ներառում է նմանատիպ մեղադրանքներ:
Կարդացեք նաև
Մենենդեսը նաև Սենատի բանկային և ֆինանսական հանձնաժողովների ավագ անդամ է և, ըստ իր կայքի, նա առաջին լատինաամերիկացին է, որը գլխավորում է Արտաքին հարաբերությունների հանձնաժողովը: Մենենդեսն առաջին անգամ Կոնգրեսում ընտրվել է 1993 թվականին Նյու Ջերսիի 13-րդ Կոնգրեսի շրջանը ներկայացնելու համար, որից ավելի քան մեկ տասնամյակ անց նա առաջադրվել է Սենատի համար:
Հոդվածը պատրաստվել է CBS և Reuters լրատվականների նյութերի հիման վրա:
Անուշ ՀԱԿՈԲՅԱՆ
