Ալբանիայի Դյուրրես քաղաքում այսօր ավարտվում է ծանրամարտի մինչեւ 20 եւ 23 տարեկանների Եվրոպայի առաջնությունը: Մրցահարթակում պայքարելու են գերծանր քաշայինները: Տղաների +109 կգ քաշային կարգում Հայաստանը ներկայացնելու է ազգային հավաքականի անդամ, մեծահասակների աշխարհի փոխչեմպիոն Վարազդատ Լալայանը, որն ամենայն հավանականությամբ կարող է ձեռնոց նետել աշխարհի ամենաուժեղ մարդուն` Լաշա Տալախաձեին:
Դատելով ներկայացված նախնական հայտերից, իսկ առաջնության պաշտոնական կայքում Վարազդատի անվան դիմաց նշված է երկամարտի 430 կգ, 70 կգ-ով ավելի, քան մրցահարթակում նրա ապագա մոտակա մրցակիցը, մեր ծանրորդը ծանրաձողին կմոտենա այն ժամանակ, երբ բոլոր ծանրորդները վերջացրած կլինեն իրենց մրցելույթները:
Աշոտ ՀԱԿՈԲՅԱՆ
