ՀՀ արդարադատության նախարարի պարտականությունները կատարող Գրիգոր Մինասյանի հրամանով Արտյոմ Սուջյանը նշանակվել է արդարադատության նախարարի խորհրդական։
Հ Ր Ա Մ Ա Ն N 665-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ
«24» ՀՈԿՏԵՄԲԵՐԻ 2022 Թ. ՔԱՂ. ԵՐԵՎԱՆ
ԱՐՏՅՈՄ ՍՈՒՋՅԱՆԻՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ ԽՈՐՀՐԴԱԿԱՆ ՆՇԱՆԱԿԵԼՈՒ ՄԱՍԻՆ
Կարդացեք նաև
Ղեկավարվելով Հայաստանի Հանրապետության աշխատանքային օրենսգրքի 14-րդ հոդվածով և «Հանրային ծառայության մասին» օրենքի 8-րդ հոդվածի 3-րդ մասով, 9-րդ հոդվածի 10-րդ մասով, ինչպես նաև հիմք ընդունելով Ա. Սուջյանի դիմումը.
Հ Ր Ա Մ Ա Յ Ո Ւ Մ Ե Մ՝
Արտյոմ Խաչատուրի Սուջյանին 2022 թվականի հոկտեմբերի 25-ից նշանակել Արդարադատության նախարարի խորհրդական:
Աշխատավարձը սահմանել համաձայն հաստիքային ցուցակի:
ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐՈՂ՝
ԳՐԻԳՈՐ ՄԻՆԱՍՅԱՆ
Արտյոմ Սուջյանը ծնվել է 1997 թվականի հուլիսի 25-ին՝ Երևանում:
2020-2021թթ․աշխատել է ՀՀ վարչապետի աշխատակազմի պետաիրավական վարչությունում որպես փորձագետ, այնուհետև՝ ավագ իրավաբան,
2021-2022թթ․ աշխատել է «ԷյԷՄ իրավաբանական ընկերություն» ՍՊԸ-ում որպես իրավախորհրդատու-փաստաբան,
2021 թվականից ՀՀ փաստաբանների պալատի անդամ է,
2022 թվականի մայիս ամսից ՀՀ փաստաբանների պալատի որակավորման հանձնաժողովի անդամ է,
2022 թվականի հունվար-հոկտեմբեր ամիսներին զբաղեցրել է Արդարադատության նախարարության կառուցվածքային ստորաբաժանումներում (իրավական ապահովման վարչություն) առանձին գործառույթներ համակարգող խորհրդականի պաշտոնը։
2003-2014թթ․ սովորել է Երևանի Հ․Օշականի անվան թիվ 172 հիմնական դպրոցում, այնուհետև՝ թիվ 83 ավագ դպրոցում,
2014-2020թթ․ սովորել և ավարտել է ԵՊՀ իրավագիտության ֆակուլտետը (բակալավրիատ),
2020-2022թթ․ սովորել և ավարտել է ԵՊՀ իրավագիտության ֆակուլտետի մագիստրատուրան՝ «Բիզնես իրավունք և միջազգային արբիտրաժ» մասնագիտացմամբ։
2020թ․ մասնակցել է Ուիլյամ Վիսի անվան միջազգային առևտրային արբիտրաժի դատախաղ-մրցույթին,
Տիրապետում է անգլերեն և ռուսերեն օտար լեզուներին,
Ամուսնացած չէ։
2016-2018 թթ․ ծառայել է ՀՀ զինված ուժերում՝ Արցախում։
