Արագաչափերով ու տեսախցիկներով արձանագրվող ՃԵԿ խախտումների վերահսկողությունն այսօրվանից ամբողջությամբ իրականացնում է ոստիկանությունում այդ նպատակով ստեղծված ՊՈԱԿ–ը, այս մասին այսօրվա կառավարության նիստում հայտարարեց ՀՀ վարչապետ Նիկոլ Փաշինյանը:
«Մենք դա վերադարձնում ենք պետական կառավարման ոլորտ, ոստիկանությունում ստեղծվել է ՊՈԱԿ, ու այսօրվանից մենք լիարժեք հանձնման-ընդունման գործընթացը իրականացրել ենք», – ասաց նա:
Ի պատասխան, ՀՀ ոստիկանապետ Վահե Ղազարյանն արձագանքեց. «Այսօրվանից համակարգի կառավարումն իրականացվում է նոր ստեղծված ՊՈԱԿ-ի կողմից: «Սեքյուրիթի Դրիմ» ընկերության աշխատակիցների 99 տոկոսը՝ թվով 451 աշխատակից հրամանագրվել են ՊՈԱԿ-ում աշխատանքը շարունակելու»,-ասաց նա:
Հիշեցնենք, 2022թ. հուլիսի 14-ի կառավարության նիստում ընդունվեց Հայաստանում «Ոստիկանության տեսալուսանկարահանող էլեկտրոնային համակարգերի կառավարման կենտրոն» պետական ոչ առևտրային կազմակերպություն ստեղծելու մասին որոշումը:
Կարդացեք նաև
Ս.թ. հուլիսի 26-ին «Սեքյուրիթի դրիմ» ընկերությունում քննչական գործողություններ էին իրականացվել։ Շենքից դուրս էին բերվել համակարգիչներ։
Լուսինե ՄԱՐԳԱՐՅԱՆ
Լուսանկարում՝ 2018-ին Սեւանում Նիկոլ Փաշինյանը փակում է արագաչափը։
