Երևանի ավագանու այսօրվա նիստի ժամանակ վիճաբանություն տեղի ունեցավ «Իմ քայլը» խմբակցության անդամ Աշոտ Սարգսյանի և «Լույս» խմբակցության անդամ Անի Խաչատրյանի միջև, ինչը հետևեց Անի Խաչատրյանի ելույթին, որ վերաբերվում էր «Քանաքեռ-Զեյթուն» բժշկական կենտրոնը և Լևոն Հովհաննիսյանի անվան գիտահետազոտական ինստիտուտը միացման ձևով վերակազմակերպելուն:
«Շատ ընկերներիս հետ համաձայն եմ, էդ պաթոսը, որ չլինի, լուրջ եմ ասում, էս գործը էնքան արագ կգնա: Հիմա, տիկին Խաչատրյան, ուղիղ քեզ եմ հարցնում»,- ասաց Աշոտ Սարգսյանը: «Ի՞մ պաթոսի մասին եք խոսում, ներողություն ձեր բամբասանքների մասին չսկսեմ խոսել»,- զուգահեռ արձագանքեց Անի Խաչատրյանը:
«Սպասի, կխոսանք, էս նկարները, որ ցույց են տալիս, էստեղ նստածներիցս ո՞ր մեկը իր հարազատին կտանի բուժելու: Պետք է իրերը իրենց անուններով կոչել, եթե մենք պատրաստ չենք մեր հարազատներին տանել էստեղ բուժելու, ուրեմն պետք է վերամիավորում անել, և պետք չի դրա անունը դնել փակել: Տիկին Խաչատրյան ջան, պետք չի, վերամիավորումը դա հիմնարկ փակել չի, մանավանդ որ փաստացի ասվեց, որ աշխատակիցները չեն ազատվում աշխատանքից: Պարզապես վերամիավորում է, որից շահում են բոլորը»,-ասաց Սարգսյանը:
«Ի դեպ, դուք էլ էիք այս գործելաոճը համարում ժանտախտ»,-խոսքի տակ չմնաց Անի Խաչատրյանը:
Կարդացեք նաև
«Եկեք ավելի պարզ խոսենք, որ գործելաոճի. միավորման, այո, վերամիավորումն առանց բարեփոխման առողջապահությունը ոտքի չես հանի»,-ավարտեց Սարգսյանը:
Լուսինե ՄԱՐԳԱՐՅԱՆ
