Արդարադատության նախարարի պարտականությունները կատարող Գրիգոր Մինասյանի հրամանով տնօրեն է նշանակվել «Իրավական կրթության և վերականգնողական ծրագրերի իրականացման կենտրոն» ՊՈԱԿ-ում:
Ձ. Մարգարյանը, հաղթահարելով Արդարադատության նախարարության «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության տնօրենի թափուր պաշտոնը զբաղեցնելու համար հայտարարված մրցույթի հարցազրույցի փուլը, ընտրվել է տնօրենի պաշտոնում։
Մարգարյանը 2021 թ.-ից իր մասնագիտական ներուժն ու գիտելիքները ներդրել է Արդարադատության նախարարության ենթակայությամբ գործող պետական ոչ առևտրային կազմակերպությունների զարգացման գործում։
2021 թվականին «ՀՀ Փորձագիտական կենտրոն» ՊՈԱԿ-ում զբաղեցրել է տնօրենի տեղակալի պաշտոնը, իսկ 2022 թվականի ապրիլից հանդիսացել է «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի տնօրենի պաշտոնակատարը։
Շնորհավորում ենք պարոն Մարգարյանին և մաղթում բեղմնավոր աշխատանքային գործունեություն և ներուժ՝ շարունակելու իրեն վստահված կազմակերպության զարգացման գործը։
Կարդացեք նաև
Ձոնիկ Մարգարյանի կենսագրությունը
Ծննդյան տարեթիվ, ամսաթիվ, ծննդավայր
Յոթը ապրիլի, 1959 թվական:
Աշխատանքային գործունեություն
1976-1977 թվականներին աշխատել է Քաջարանի (հետագայում՝ Զանգեզուրի) պղնձամոլիբդենային կոմբինատի երկրաբանական մարկշեյդերական բաժնում, որպես գծագրող:
1977–1979 թվականներին աշխատել է Զանգեզուրի պղնձամոլիբդենային կոմբինատի Քաջարանի հանքում, որպես նմուշավորող:
1984–1986 թվականներին աշխատել է Թիվ 50 ՄՊՏՈՒ-ում, որպես պատմության ուսուցիչ:
1986-1989 թվականներին աշխատել է ՀԿԿ Օրջոնիկիձեի շրջանային կոմիտեի կազմակերպչական բաժնում, որպես հրահանգիչ:
1989-1991 թվականներին աշխատել է ՀԿԿ Օրջոնիկիձեի (հետագայում Էրեբունու) շրջանային կոմիտեում, որպես քաղլուսկաբինետի վարիչ:
1991 թվականին աշխատել է թիվ 26 ՄՊՏՈՒ-ում, որպես պատմության ուսուցիչ:
1991-2000 թվականներին եղել է «Կապան» ՍՊԸ-ի տնօրեն:
2000-2002 թվականներին եղել է ՀՀ սոցիալական ապահովության նախարարի աշխատակազմի ղեկավար:
2002-2010 թվականներին եղել է ՀՀ սոցիալական ապահովության (հետագայում՝ Աշխատանքի և սոցիալական հարցերի) նախարարության աշխատակազմի ղեկավար, քաղաքացիական ծառայության 2-րդ դասի պետական խորհրդական:
2009 թվականից–առ այսօր «Հանս Քրիստիան Կոֆոեդ» բարեգործական հիմնադրամի հոգաբարձուների խորհրդի նախագահն է:
2011–2018 թվականներին աշխատել է Տնտեսագիտության և կառավարման ինստիտուտում (ՏԿԻ), որպես Քաղաքացիական ծառայողների և համայնքային ծառայողների վերապատրաստման դասախոս:
2018-2019 թվականներին եղել է Երևան քաղաքի Կենտրոն վարչական շրջանի ղեկավարի տեղակալ:
2020-2021 թվականներին եղել է ՀՀ «Հաշվարկային կենտրոն» ՓԲԸ գլխավոր տնօրենի խորհրդական:
2021-2021 թվականներին եղել է ՀՀ ԱՆ «ՀՀ Փորձագիտական կենտրոն»ՊՈԱԿ-ի տնօրենի տեղակալ:
2021–2022 թվականներին եղել է ՀՀ ԱՆ « ՀՀ Փորձագիտական կենտրոն »ՊՈԱԿ-ի տնօրենի պաշտոնակատար:
2022թվականից-առ այսօր ՀՀ ԱՆ Իրավական կրթության և վերականգնողական ծրագրերի իրականացման կենտրոն » ՊՈԱԿ-ի տնօրենի պաշտոնակատարն է:
Կրթություն
1981-1983 թվականներին սովորել է ԵՊՀ հասարակական մասնագիտությունների ֆակուլտետում:
1979-1984 թվականներին սովորել է Երևանի պետական համալսարան, պատմության ֆակուլտետում:
Այլ տեղեկություններ
Պարգևատրվել է «Անդրանիկ Օզանյան» մեդալով:
Տիրապետում է հայերեն, ռուսերեն, անգլերեն լեզուներին:
ՀՀ արդարադատության նախարարություն
