«Ազատություն». Ադրբեջանի կառավարությունը Հայաստանի հետ սահմանների դելիմիտացիայի հարցով պետական հանձնաժողովի քարտուղարություն է ստեղծել, որը գործելու է Նախարարների կաբինետի աշխատակազմին կից։ Համապատասխան որոշումը ստորագրել է վարչապետ Ալի Ասադովը, փաստաթուղթը հրապարակվել է Ադրբեջանի Նախարարների կաբինետի կայքէջում։
Նշվում է, որ հինգ հոգուց բաղկացած հանձնաժողովի քարտուղարության լիազորություններից են պետական հանձնաժողովի, փորձագիտական և աշխատանքային խմբերի աշխատանքային պլանի նախապատրաստումն ու քննարկումը, հարցերի նախապատրաստումը, որոնք ենթակա են հանձնաժողովի նիստի քննարկմանը, ինչպես նաև իրավական ակտերի նախագծերի պատրաստումը և քննարկումը՝ փորձագիտական կամ աշխատանքային խմբի անդամների մասնակցությամբ։
Լուսինե ՄՈՒՍԱՅԵԼՅԱՆ
Նյութն ամբողջությամբ՝ սկզբնաղբյուր կայքում:
