Կենսաթոշակառուների և նպաստառուների անկանխիկ գործարքներից գոյացող հետվճարի համակարգից օգտվողների թիվը սեպտեմբերին եռապատկվել է, կառավարության այսօրվա նիստում հայտարարեց ՀՀ աշխատանքի և սոցիալական հարցերի նախարար Նարեկ Մկրտչյանը:
Սա արձագանքն էր Նիկոլ Փաշինյանի այն հորդորի, որով նա կարևորեց ժամանակ առ ժամանակ անդրադարձ կատարել կառավարության նախկինում ընդունված որոշումների կատարման ընթացքին և քանի որ ինքը գոհ է կենսաթոշակառուների, նպաստառուների անկանխիկ առևտրի հետվճարային համակարգի ներդրումից՝ շեշտը դրեց հենց այդ որոշման վրա։
«Այսօր ունենք շուրջ 1,2 մլրդ անկանխիկ գործարքներ: Այսինքն` ամփոփելուց հետո մենք 120 մլն դրամ կվերադարձնենք մեր թոշակառուներին ու նպաստառուներին: Իրականում այդ թիվը ավելի մեծ է: Ուզում եմ հիշեցնել, որ հետվճարը տարածվում է միայն ՀՀ տարածքում գործող առեւտրի եւ սպասարկման կետերից, պոս տերմինալների միջոցով անկանխիկ գործարքների, ինչպես նաեւ տվյալ քարտը սպասարկող բանկի օնլայն հավելվածի միջոցով կոմունալ վճարների դեպքում: Այս պահին կարող ենք արձանագրել, որ ամսական միջինը 3 հազար դրամի հետվճար է տրամադրվում»,-ասաց նախարարը:
Կարդացեք նաև
Լուսինե ՄԱՐԳԱՐՅԱՆ
