ՀԱՊԿ-ը պատրաստ է իր դիտորդներին ուղարկել Հայաստան, բայց դրա համար պահանջվում է Հավաքական անվտանգության խորհրդի որոշումը: Այս մասին հայտարարել է Ռուսաստանի արտգործնախարար Սերգեյ Լավրովը:
«Այն բանից հետո, երբ Հայաստանը խնդրեց ՀԱՊԿ արտահերթ նիստ գումարել, այն կայացավ, որոշում կայացվեց Հայաստան ուղարկել ՀԱՊԿ գլխավոր քարտուղարին, միացյալ շտաբի հրամանատարին: Նրանք գնացին այնտեղ, բերեցին իրենց առաջարկները, արդեն մեկ ամսից ավելի է` դրանք մեր ձեռքում են: Դրանց էությունն այն է, որ Հայաստան` Ադրբեջանի հետ սահման ուղարկվի ՀԱՊԿ դիտորդների մոնիթորինգային առաքելություն»,- ասել է Լավրովը Հայաստանի արտգործնախարար Արարատ Միրզոյանի հետ հանդիպմանը:
Նա նշել է, որ միակ բանը, որ պետք է, Հավաքական անվտանգության խորհրդի որոշումն է, որը պետք է գումարվի ՀԱՊԿ նախագահողի կողմից:
«Այն հիմա Հայաստանի Հանրապետությունն է, ուստի երբ ժամանակ լինի, մենք պատրաստ կլինենք հավանություն տալ նման առաքելությանը, և այն կանցնի իր աշխատանքների կատարմանը»,- ասել է նա:
Կարդացեք նաև
Իր հերթին Միրզոյանն ասել է, որ Հայաստանը սպասում է դիտորդների,բայց նման հանդիպում դեռ չի համաձայնեցվել:
Լավրովն իր հերթին հավաստիացրել է, որ Ռուսաստանը պատրաստ է ցանկացած պահի անցկացնել նման նիստ առցանց ռեժիմով:
Պատրաստեց Վիկտորյա ԱՆԴՐԵԱՍՅԱՆԸ
