Երևանի ընդհանուր իրավասության դատարանը՝ դատավոր Ռազմիկ Մարիկյանի նախագահությամբ, բավարարել է ՀՅԴ ԳՄ անդամ, ԱԺ նախկին պատգամավոր Սուրեն Մանուկյանի նկատմամբ ընտրված խափանման միջոց կալանավորումը ևս երկու ամսով երկարացնելու վերաբերյալ քննիչի միջնորդությունը։
Սուրեն Մանուկյանին մեղադրանք է առաջադրվել «Ազատ դեմոկրատներ» կուսակցության նախագահ Խաչատուր Քոքոբելյանի հորն առևանգելու դեպքի առթիվ հարուցված քրեական գործի շրջանակներում։ Օգոստոսի 14-ից՝ դատարանի որոշմամբ Սուրեն Մանուկյանը գտնվում է կալանքի տակ ՀՀ քրեական օրենսգրքի 191 հոդվածի 2-րդ մասի 5-րդ կետով՝ խմբի կազմում անձի առևանգում կազմակերպելու կասկածանքով։
Փաստաբան Սերգեյ Ոսկանյանը լրատվամիջոցների հետ զրույցում նշեց, որ չկա գոնե մեկ հիմնավոր փաստաթուղթ, որը մատնանշում է Սուրեն Մանուկյանի մեղքը։
«Իմ պաշտպանյալը պատճառ չի ունեցել կատարելու իրեն վերագրվող արարքը։ Ավելին՝ տուժող կողմի հետ Սուրեն Մանուկյանը որևէ կապ կամ առնչություն չի ունեցել։ Թեպետ դատարանում ներկայացվել էին մեծածավալ նյութեր՝ կապված նրա մեղադրանքի հետ, սակայն չկա գոնե մեկ հիմնավոր փաստաթուղթ, որը մատնանշում է Սուրեն Մանուկյանի մեղքը»,- նշեց փաստաբանը։
Կարդացեք նաև
