Հայ-ադրբեջանական սահման ԵՄ քաղաքացիական առաքելություն ուղարկելու գաղափարը Ռուսաստանում համարում են ԵՄ-ի կոզմից հերթական փորձ` ցանկացած կերպով ներդրվելու կարգավորման գործընթացում, նվազեցնելու Ռուսաստանի միջնորդական ջանքերը: Այս մասին այսօր տեղի ունեցած ճեպազրույցում ասել է Ռուսաստանի ԱԳՆ պաշտոնական ներկայացուցիչ Մարիա Զախարովան:
«Իհարկե, սեփական հարաբերությունները դասավորելը յուրաքանչյուր պետության ինքնիշխան գործն է»,- ասել է նա:
Միաժամանակ, Զախարովան կասկածի տակ է դրել ԵՄ իրակական հնարավորությունը որպես միջնորդ` հիշեցնելով, որ ԵՄ ներկայացուցիչները (Ֆրանսիան ու Գերմանիան) այդպես էլ չկարողացան կանխել Ուկրաինայի շուրջ իրավիճակի ծավալումը դեպի թեժ փուլ:
«8 տարի նրանք կրում էին միջնորդի հպարտ անվանումը»,- ասել է նա:
Կարդացեք նաև
Զախարովայի խոսքով` Բրյուսելում նախընտրում են չմտածել, թե ինչ հետևանք կարող է ունենալ իրենց այդ քայլը տարածաշրջանի կայունության վրա: Նա նաև ընդգծել է, որ ԵՄ առաքելությունները դեռ ոչ մի տեղ իրական կարգավորման չեն հանգեցրել: Ավելին, ԵՄ-ին չի հաջողվել պաշտպանել իր և իր ներկայացուցիչների շահերը:
«Մենք ելնում ենք նրանից, որ Երևանի ու Բաքվի միջև հաշտության, տարածաշրջանում ամուր խաղաղություն և երկարաժամկետ կայունություն հաստատելու միակ բանալին Ռուսաստանի, Հայաստանի և Ադրբեջանի առաջնորդների եռակողմ հայտարարությունների լիարժեք կատարումն է»,- ասել է Զախարովան:
Նա նշել է, որ Ռուսաստանն այդ հարցով մշտական կապ է պահպանում հայ և ադրբեջանցի գործընկերների հետ: Այդ նպատակին կարող է ծառայել նայել Աստանայում սպասվող հանդիպումները ԱՊՀ Արտգործնախարարների խորհրդի շրջանակում:
Պատրաստեց Վիկտորյա ԱՆԴՐԵԱՍՅԱՆԸ
